1 Samuel 23:12 - Godigo dwagi yai po buku

¹² Tama Devitgo Genuai Bidiba ma hanalu wali, “Te Keila bulu bidi dabego ena me, te eno bidi dabe dali, te Solba mawaibawe, ma meniwe?” Tama Genuai Bidigo te po wai, “Augwaligo te tama tiwai yaibao.”

1 Samuel 23:12 Referans Kwoze

Godigo Nogi Ugwaba Sabo Tęąbi Po Wabo Buku Dabe 31:8

Nago ena te boi bidi dabego kalabus emainu me ebeo. Nago ena bugagia tau siyu, tama ena te dwagi yai madigi bugagia bidibao.

1 Samuel 23:20

Dago koneani, nago homugo te bidi tolasabo homu mu elalubao, tama tiyu te nage aselama, aga sagasao. Tama dena digi te aga nage nogoba mawaibao,” te po wai.

Godigo Nogi Ugwaba Sabo Tęąbi Po Wabo Buku Dabe 62:1

Mu tama, eno konealubo homu te God deliba naga dąų weyu, tama sagia siyu, tama eno te agai ena tau sabo tonalubo dao. Aga deligo naga te ena ma selama, tama ena bidibo ula dali bidibo dao.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

1 Samuel 23:7

Tama bidi mebago Solbolo weyu, te tiwai po wali, “Devit te Keilaba pelama bidibao,” wai. Tialima, Solgo te po wai, “Wiegi yai mu da, megi te Godigo aga te ena nogoba mawaibao. Devit te obo elalubo taun tomoba pali, tama te kolesagade aga digi aga te kalabus tiwai ilali. Tama tiyu, eno aga tuainu ebo te sunumi gegebo sę dene yai dao.”

Godigo Nogi Ugwaba Sabo Tęąbi Po Wabo Buku Dabe 118:8

Te dago konealubo homu te Genuai Bidiba muani, te wiegi yai da, tama dago te olo bidi dabeba te konealubo me usugobeo.

Te Israel Tobolu Bidi Dabe 15:10

Tialima, te Juda dabego augwaliba hanalu wali, “Magi baso te dagego da dali hwįagasaliwe?” Augwaligo te tiwai po wei ponani, “Da asali te dago Samson selama, kalabus ilainu, tama dago te agabolo te agai da dali yali deli tigi poai kolesaga te wei ponainogo te tiwai ilaibao,” wai.

1 Samuel 23:11

Tama eno koneainogo homu yali, te e bulu bidi dabego ena te Solba magowe, ma meniwe? God, da Israelgo Genuai Bidi, eno homugo nago eno te hanalu wali po wei pomainu homu ebao.” Tama Genuai Bidigo agabolo te tiwai po wali, “Sol da te asaibao.”

Jeremaia 11:18

Ena Jeremaia, eno gedu haluasa po e tiwai wali, “Genuai Bidio, te bidi mebago enaba dwai sę yainu ebao, te augwaligo ena dali te sę yainogo ebaso, te enabolo nago te po pusali dao.

Godigo Nogi Ugwaba Sabo Tęąbi Po Wabo Buku Dabe 143:8

Eno konealubo homu nageba muani. Tialima, eno homugo te tigidali sogo kigamu nago eno homu te nago ena godolo ebo kolesagade ma homu kone palomainu ilao. Eno gedu haluasa po nageba naga wabo dao. Tama tiyu, nago enaba te sunumi ola mobaso, te eno wali paibao.