1 Samuel 23:10 - Godigo dwagi yai po buku

¹⁰ Agai sela asobo si da, teda Devitgo gedu haluasa po te tiwai wali, “God, da Israelgo Genuai Bidi, ena naga sę ebo bidi da, eno te tiwai po odali, Solgo ena e Keilade bidibo koneanio. Tama aga aselama, te bulu dolagasabo homu ebo dao.

1 Samuel 23:10 Referans Kwoze

Bugagia Bidibo Kolesagade Po Asęai Buku 28:15

Te bulu tǫ kantri tonalubo bidi aga te dwai kolesaga ebo bidi, tama te bomo meni yai bidi dabe aiyaba elalubo bidi yai baso da, teda aga te laiongo bomonama te gaa weyu, te i wabo tiwai ebao, tama te boma pai bea hasa me deli te nai gegeyu bilibo tiwai ebo dao.

Esta 3:6

Nosali agai hania koneani, Mordekai te Juda bidi yaibaso, tama agai Mordekai dolabo po mia selama, dąų walali. Te Mordekai deli naga tegobeo, menio, agai te genuai kantri Persia tǫde bidalubo Juda dabe tigidali ela muabo homu ebo sunumi gegai dao.

1 Samuel 23:8

Tialima, nosali Solgo te aga ami bidi tigidali i olama, tama augwali te bulu Keila pelama, te Devit aga bidi dabe dali bidibo teba bagua sigi painu yali.

1 Samuel 22:19

Tama Solgo aga ami bidi dabe te Nopba tagala palama, te pris dabego taunba pelama, tama augwaligo te tigidali we bidi ela muai. Augwaligo te tigidali bidi me, we me, ogomani me, te dwasianu augwa idago ame tubo wai dabe me elali, tama te tigidali bulmakau, me sipsip, me donki, te ela muani. Te Solgo ami dabego te augwali mu ela silalio.

Tigidali Nai Gagalama Nigali Side 18:24

Te wiegi yai bidi dabe 50 te genuai hanude bidibadi yaibaso da, te nago augwali me te gasa bage dali dololaibawe? Nago te genuai hanude te wiegi yai bidi dabe te 50 bidi bidibaso, augwali tobade hanu elalumainu sula tagalubo usugowe?

1 Samuel 23:9

Tiali goli, Devitgo odali, te Solgo agaba dwai sę yabo homu ebo po wai. Tama tibaso, agai te pris Abiatarbolo walali, “Te pris ugwa selama, sesao,” po wali.

1 Samuel 23:11

Tama eno koneainogo homu yali, te e bulu bidi dabego ena te Solba magowe, ma meniwe? God, da Israelgo Genuai Bidi, eno homugo nago eno te hanalu wali po wei pomainu homu ebao.” Tama Genuai Bidigo agabolo te tiwai po wali, “Sol da te asaibao.”