1 Samuel 22:8 - Godigo dwagi yai po buku

⁸ Dagego tede homu kone palama, tama tiyu, dagego ena dolomai da homu eyu, te po miai dawe? Te dage me deligo enabolo weyu, te naga ogwago te Devit tau sabo po dąų walali po ena dali me walobeo. Dagego ena homu kone ma isiąma, tama enabolo weyu, te eno ogwago te Devit, te eno sę bidigo enade boi bidi pedalubo sę po enabolo me wabeo. Tama megi da, te Devitgo ena ela muabo sunumi gegebo sę ebao,” Solgo te po wali.

1 Samuel 22:8 Referans Kwoze

1 Samuel 18:3

Tama Jonatango Devit godolo homu mu ebaso, tama tiyu, agai bomai po me deli Devitba dąų walali, te agai Devit godolo ebo homu te sesemane elalubao. Tama Devitgo me Jonatanba te tiwai po naga wai, tama augwali si te age name si tama bidai.

1 Samuel 23:21

Tama Solgo augwaliba te po wai, “Dagego wiegi yai kolesaga eyu, te ena tau sobao. Tama tiyu, eno homugo te Genuai Bidigo dage wiegi yai bugagia ilimainu yaibao.

Jopgo Po Asęani Elalubo Buku 33:16

tama te na dabede da, da ola mabo dao. Tama da dwagi yai kolesaga menama, tama dago bidi kolesaga dodolomainu ebo dao. Tama agai te po dago homude dąų walumainu ebo dao.

1 Samuel 20:42

Tialima, Jonatango Devitbolo te po wai, “Nage te wiegi yai homu nagame dali pao. Dago te Genuai Bidigo nogide te po dąų waliyu, te dena digi dena bugagia wiegi yai sesemane sogo ilao, tama nago hani me eno hani nosali pedalubo bage me, augwa me te tobage deli kolesaga emainu yaibao. Tama Genuai Bidigo dago te dąų walubo po odali, tama dago wali paibao.” Agai po ola siminama, tama Devit gasaba peyu, tama Jonatan te taunba ma begasa palio.

1 Samuel 20:8

Eno koneani, ena te olo bage nai tiwai yali, tiali goli nago ena wiegi yai bugagia ilao, magi baso meni, te Genuai Bidigo gedude nago te bomai po me deli dąų walu, te ena nago abagi mu sesemane sogo bidaibao po wai. Tiali goli, eno dwai sę elama, tama eno te sę yali sęgę elalubaso da, teda nago digi ena ela muagameo. Tiyu, nago ena te naga aya bidibo madi selama, pelama, te agai ena ela muidalio,” Devitgo te po wali.

1 Samuel 20:2

Tialima, Jonatango Devitba po wei ponoyu, te po wali, “Menio. Nage me isigobeo. Eno ayago enabolo te agai yabo sę po tigidali waibao, te dwasianu sę yabo me, genuai sę me, te enabolo weyu yaibao. Tama agai te tobage sę yabo po geme me dualugobeo. Tama tiyu, eno koneani, te agai nage me ela muainu ebo usu me egobeo,” wali.

1 Samuel 22:13

Tama Solgo agabolo te po wai, “Magi baso nage dali Devit dage sigo ena dolabo po miai dawe? Nago te nai meba Devit mayu, te bainat hwą me deli mani, tama nago Genuai Bidiba hanaluama, te agaba momainu yai. Tama megi da, agai enade boi bidi elama, tama agai ena ela muabo sunumi gegebo dao,” wali.

1 Samuel 18:1

Sol de Devit dali si po mia silibo si, tialima nosali Jonatan, te Solgo ogwa, te aga homu Devitba mu kęą pelama, tama agai te Devit godolo mu eyu, te aga digi aga godolo ebo tiwai mu yalio.

Te Israel me Juda Hani Sigo Tuni Bidigo Po Elalubo Buku Si 6:11

Tama Siria king bidigo te tobage sę pedalubaso, agai homu kolesaga hauwa sogo mu eyu, moni homu elama bidali. Tama tibaso, agai aga sę ebo gavman ofisa bidi dabe augwali agai i olama, tama augwali asobo si, e tiwai po tama hanalu wali, “Enabolo wao,” wali, “da hani niwai bidi me deligo te Israel hani king bidi tigidali sogo tau siduai dawe?” wali.