1 Samuel 22:5 - Godigo dwagi yai po buku

⁵ Nosali te profet Gat te Devitba aselama, tama agaba te po walali, “Nage te bulu munu me ma bidamuo. Nage megi tama hogodama, tama te Juda tǫba pao,” wali. Tialima, Devitgo te bulu tagalama, tama te Judaba pelama, tama te genuai busi bulu me nogi augwaligo te Heret wali, tede bidai.

1 Samuel 22:5 Referans Kwoze

Tuni Bidi Dabego Po Elalubo Buku Si 29:25

King Hesekiago polobadu Genuai Bidigo profet Gat me Natan sigo pedauwalidu mani po te Devitbolo mani po wali pali, tama agai te Livai dabebolo olama tama augwaligo te musik elebo te gita dabe selama, Genuai Bidigo tempel be tomoba dolalugi pali.

Tuni Bidi Dabego Po Elalubo Buku Deli 29:29

Te king Devitgo yali sę po dabe, te aga king pedelama bidali sogo ela pali sę te isali sogoba usu nugi palio, te sę yali po dabe asęani buku sela nogi augwaligo te tama nogi yali, Te Profet Samuelgo Pusali Po, me Te Profet Natango Pusali Po, me Te Profet Gatgo Pusali Po, te profet bidi selago te Devitgo yali sę po asęani dao.

Tuni Bidi Dabego Po Elalubo Buku Deli 21:9

Tialima Genuai Bidigo Gatba te po walali, te Devitgo profet bidi, te agai te tiwai po Devitba waligi pomainu yali, “Ena, Genuai Bidi, eno po dolo tama obao, eno nagebolo te sunumi sela ola mobao, te naga digi te nago me deli te dąį ilao. Te nago mena sunumi dąį ilali, te naga te eno wali pelama, te sę nageba pedalumainu ilaibao,” te po walio.

2 Samuel 24:11

Tiali goli, te side digi tama, Genuai Bidigo Gatba te po walali, te Devitgo profet bidi, te agai te tama po Devitba wagi pomainu yai. “Ena Genuai Bidi, eno po dolo obao, eno te sunumi sela nageba mobao, tama naga digi te augwali selade te me deli sa muao. Tama mena sunumi nago nigilali, te naga eno wali peyu, tama nageba te sę pedalumainu ilaibao,” wali. Te nosali badu kigamude Devit hodalubo si da, tama te

1 Samuel 22:4

Te Moap king bidigo te Devitgo wali po te usu da po obaso, tama Devitgo aga aya de ida si tede tagalama, tama augwa si te Moap king bidi dali bidibadi, te sogo Devit te masigi ola bede geme dulalualio.

2 Samuel 23:14

Te sogo Devit te bomai geme dualalubo pesagede bidali, tama te Filistia ami dabego te Betlehem hanu salio.

Godigo Nogi Ugwaba Sabo Tęąbi Po Wabo Buku Dabe 63:1

O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Tuni Bidi Dabego Po Elalubo Buku Deli 11:16

Te sogo Devit te boma pai geme dulalubo bulude bididubadi, tama te Filistia ami dabe mebago te Betlehem taun sai yalio.