1 Samuel 22:14 - Godigo dwagi yai po buku

¹⁴ Tama Ahimelekgo po wei ponoyu, te tama po wali, “Mu menio. Devit te wiegi yai ofisa mu tama nage wali mu peyu yali. Te mena ofisa me deligo aga aiyaba elalubeo. Tama aga te nago wąį da, tama nage pąde te nage bugagia tonalu ebo ami bidi hani me deli dao. Tama nago bede bidibo bidi tigidali, augwaligo te agai wiegi yai kolesaga homu kone palama, tama genuai nogi agaba mabo dao.

1 Samuel 22:14 Referans Kwoze

1 Samuel 20:32

Tama Jonatango Solgo po wei ponoyu, te tiwai po wai, “Magi baso aga isimainu obawe? Agai magi dwai sę yaliwe?”

1 Samuel 26:23

Genuai Bidigo te aga bugagia wali mu pabo bidi te wiegi yai iliyu, tama te doloba pai kolesaga ebo bidiba me te wiegi yai ilaibao. Nago homugo te megi naga agai nage te eno nogoba muani, tiali goli eno nage me dolobeo. Magi baso meni, eno koneani, te Genuai Bidigo nage sa munama, nage te king bidibao.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

1 Samuel 22:13

Tama Solgo agabolo te po wai, “Magi baso nage dali Devit dage sigo ena dolabo po miai dawe? Nago te nai meba Devit mayu, te bainat hwą me deli mani, tama nago Genuai Bidiba hanaluama, te agaba momainu yai. Tama megi da, agai enade boi bidi elama, tama agai ena ela muabo sunumi gegebo dao,” wali.

1 Samuel 21:2

Tama Devitgo te po wai, “Kingo te sę me deli enaba mobaso, tama ena asalio. Tama agai te po wali, te eno gasa bidi dabeba te sęde ena tagala palobaso asaide po me wagobeo. Tama eno ena ami bidi dabebolo waliyu, te ena augwaligo gasa badu deliba sisinaibao wali.

1 Samuel 18:27

tama Devit aga ami bidi dabe dali pelama, tama te Filistia bidi 200 bidi elama, tama augwa gasa tigi wali togolama, tama te kingba selasa aselama, tama nedalio. Agai te sę dabe yali te Solgo wegi sainu tama tiali. Tama tialima, Solgo aga wegi Mikal te Devitbolo menama, tama augwa si selama bidalio.

1 Samuel 18:13

tama agai te Devit aga dali te kingo bede bidimainu me ilibeo. Menio, agai aga te 1,000 ami bidi dabego ofisa bidimainu muani. Tama tiyu, Devitgo te ami dabe selama, te boi bidi dabe dali hwįgi peyu yalio.

1 Samuel 17:25

Tama te Israel dabe augwa hasi digi po miyu, te tiwai po wai, “Te bidi suao, te agai i wabo po odao. Agai te wąbi hwįainu da dianobao. Tiali goli, kingo te po wali, te Filistia elibo bidibolo te agai mone umabo hauwa mawaibao wali, tama te bidibolo te agai wegi somainu yaibao wai. Tama kingo te bidi aga hanide te takis mone me sisąma, tama augwali haniba te kingo sę tobage yagasomainu i me wagobeo,” wali.

1 Samuel 25:28

“Te eno yali sę nage gedude dolo meni ebaso da, teda eno homugo nago te eno yali dwai sę te sela sąyao. Eno koneani, te Genuai Bidigo homugo nago te boi bidi dabe dali hwįgi pomainu homu ebo sogo, teda nago te boi bidi dabe dali hwįgi pali. Tama nago te dwai kolesaga ebo bidi meni. Tama tibaso, Genuai Bidigo nage te king pedalumainu elama, tama te Israel king dabe te nago wai hanide pedelaibao.