1 Samuel 21:7 - Godigo dwagi yai po buku

⁷ Te sogo te Idom bidi me deli, aga nogi Doek, te Godigo bede bidu, tama te ofa ebo sogo tonaluali. Tama agai suali, Ahimelekgo te bret Devitbolo mabo suai. Doek te Solgo bulmakau dabe tonalubo bidi me deli, tama aga te bomai bidi mu dao.

1 Samuel 21:7 Referans Kwoze

1 Samuel 22:9

Te sogo te Doek, te Idom bulu bidi, te Solgo ofisa bage dali dolaluali. Tama agai Solba te tiwai wai, “Ena te Nop taunde bidali sogo tama eno suali, Devit te Ahimelek pris bidiboba pali, te Ahitupgo ogwa dao.

Tuni Bidi Dabego Po Elalubo Buku Deli 27:29

Sitrai, te odogo bulu Saron bidi, agai te odogo bulu Saronde bidalubo bulmakau dabe tonalubo bidi bidali. Tama Safat, te Atlaigo ogwa, agai te gasa odogo bulude bidibo bulmakau dabe tonalubo bidi bidali.

Matyu 15:8

‘Te hani we bidi augwaligo eno nogi te pedauwaligo naga ugwaba sabo dao, tiali goli augwaligo homu kolesagago augwaligo ena dali abagi homu ebo menio.

Amos 8:5

Duga digi dagego te tiwai po obao, “Dago homugo te genuai lotu wabo side polo silao homu ebao, tama dago te dena nai dabe te maketba mugi pelama, te bidi dabego abelimainu homu yaibao. Nisu sogo te toma nabo Sabat si siligowe? Da asesa te maketba pabo homu eyu, te dago nai dabe maketba mugi paibao. Tama tibaso, dago mone mubo ugwaba igulama, te dago tibo dąį ilibo sę elama, tama te nai abelibo bidi dabe muma sabo usu sabo skel mueibao.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Tuni Bidi Dabego Po Elalubo Buku Si 26:10

Usiago kau kibu hani hauwa me sipsip kibu hauwa mu te giliga dega sabo bulu badu te malu tǫde me te bulu du dabede hauwa mu elaluali. Tama tialima, agai te bidi meni yai kala sili bulu badu agai te sigi be taua me badu geselali, magi baso meni, te agai sę bidi dabe mebago tede bidiyu, te agai hasa dabe bugagia tonalubo usu mu yali. Tama me agai te hasa dabego tuabo wę ulu hauwa mu geselali. Tama me ma Usia aga didiman sę ebo godolo mu ebo bidi dao. Tama tibaso, agai te we bidi dabebolo te wain gi hauwa buluyu, me gasa nai dabe te wiegi yai tǫ ili hauwa elalubo tǫde bulao po wali, te bulu du yali madi me nai bulao po wali.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

1 Samuel 11:5

Te sogo Sol te gide sę iduai. Tama aga te gi taga soabo sogo, tama te sę ebo bulmakau odasa asobadi, agai te we bidi dabego gela wabo odali. Aga te bidibo pesageba sabolama, tiali te agai augwaliba hanalu wali, “Magi baso dage tigidali gela waliwe?” Tialima, augwaligo te Jabes dabego augwaliba ola tolali po wai.

Tigidali Nai Gagalama Nigali Side 26:20

Tiali goli, te Gerar tede te kibu bulmakau tonalubo bidi dabego te Aisakgo kibu tonalubo sę ebo bidi dabe dali wado po weyu, te po wai, “Te e wę dago wę dao,” po wai. Tama Aisakgo te wę ulu nogi e tiwai nogi poai “Wado po wai.” Magi baso meni, te bidi dabego wado po tede wai.

1 Samuel 21:8

Devitgo te bret siyu bolo elama, tialima agai te Ahimelekba te tama po wai, “Nago te sesemone me deli, ma te bainat me munalubawe, ma meniwe? Te nago elalubaso da, eno homugo nago ena mao, magi baso meni, te kingo agai sę emainu ena asesa polo selibo sę ebaso, tama tiyu, eno te hwįbo bainat me gasa nai te sisąwai. Ena olo naga asai dao,” wali.

1 Samuel 22:22

Tialima, Devitgo agabolo te po wali, “Ena homu dene mu ebao. Tama megi eno te nago aya dali bidali te sogo homu kone palubao. Eno te Doek me bidibo suali, tama eno koneani, agai Solbolo te enade po walali homu ebao. Te eno yali sę pagede naga tama Solgo te nago deli kaneme bage tigidali elalio.

Tuni Bidi Dabego Po Elalubo Buku Deli 27:31

Te tigidali bidigo te king Devitgo nai doado bage tonalubo bidi dabe bidai dao.

Pris Sę Ebo Bomai Po 22:10

“Bidi ma we te dage pris hanide, te augwa naga te we bidi augwaligo ena mabo ofa ebo nai tuao. Te gasa bidigo me tugio. Te pris dali osogo bidibo bidi, ma aga sę bidi, augwaligo me tugio. Te habu mu dao.

Pris Sę Ebo Bomai Po 22:13

Tialima, te wego bidi isama, te we aga olo bidibadi, ma aga bidigo sela sąnama olo bidibadi, te wai meni badi, te we aga ayago beba ma pelama, bidibadi yai baso da, teda aga te prisgo tubo nai tuao, te aga ayago tubao. Tiali goli, bidi ma we te prisgo hani isąwaigo me tugobeo. Te habu dao,” wai dao.

Pris Sę Ebo Bomai Po 24:5

Genuai Bidigo Mosesbolo te po ma weyu, te tiwai wali, “Nago te sęgę 12 kilogram elalubo wiegi yai plaua selama, te plauago 12 bret nigao. Te sęgę deli deli dobolama, te bret deli deli nigao.

Pris Sę Ebo Bomai Po 24:8

Te tigidali Sabatde te pris augwaligo te bret tebolba mubaso eno sueibao. Sesemane sogo te Israel augwaligo te kolesaga wali pao. Tede te po dąų wabo kontrak me deli eno augwali dali ebao.

1 Samuel 22:10

Tama Ahimelekgo te Genuai Bidiba hanalu, te Devitgo aga mena sunumi wali pomainu ebo po wai. Tama prisgo te nai meba siyu, te Goliatgo bainat hwą me selama, tama Devitba mawai,” wali.