1 Samuel 21:5 - Godigo dwagi yai po buku

⁵ Tama Devitgo Ahimelekbolo wali, “Eno nagebolo dolo obao, dago e sogo te we dabe dali me pibeo. Tigidali sogo dago te boi bidi dali hwįgi pali, te ami dabe augwa digi me, te augwa doado bage dabe me, te God gedude wiegi yai elalubao. Tama megi me, te dago gasagi yai genuai sę elalubaso, tama da te wiegi yai mu bidibao.”

1 Samuel 21:5 Referans Kwoze

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Pris Sę Ebo Bomai Po 24:9

Te bret te Aron dali aga hani pris dabe daligo nai elalueibao. Augwaligo te bret eno sel Ugwa Be obo tomode tuao, magi baso meni, te we bidi augwaligo enaba ofa yali nai dage dao. Te ena nai digi, te eno pris dabeba mawaibao.” Godigo te po Mosesbolo mawai dao.

Pris Sę Ebo Bomai Po 8:26

Nosali Moses te yis meni yai bret pągąnalubo basket te augwaligo Genuai Bidiba mabo bret munalubo madi pelama, tama agai augwaligo te yis dali ulisąwai bret sali, te augwa plauago nigai bret me deli te oliv wel dali begelali, me te bisket me deli sobadi yali. Tama agai te nai dabe te kibu ili me kibu dolo sągą te nai si daiba muai.

1 Pita 3:17

Tama dago dwagi yai sę naga yai goli, tama God agai “Awe” weyu, te bidi dabe augwaligo dabolo dene mayu da, te usu dao. Tialima dago dwai sę elama tama augwaligo da dene mayu da, teda te dwali dao.

1 Korin 7:5

Dage we de bidi si taluama bidibo, te me deligo me tudiba muyu tama aga tigi dąų weyu geą siyu me elamuo. Te kolesaga ebo tagalao. Mu tama, duga si homu deliba munama, tama duga si tigi te pęwadage sogo habu selabo homu elama, te duga si Godibolo gedu haluasa po wabo sę yainu osogo habu selabo homu ebaso da, te usu da. Tiali goli nosali te duga si homu deli elama te duga si tigi deliba ma taluao. Tiyu duga digi te duga tigi ma tonaluabo usu isąyu, tama Satango dage usu siyu, te dagego dwai penani sę emainogo sinabuo.

Ma Dobola Sali 19:14

Tama Mosesgo te bulu du tagalama, dulama, tama te we bidi augwalibolo te lotu po wabo sisi iyąo te po wai. Tama augwaligo agai po wali pelama, augwa ugwa dabe wę telawai.

Ma Dobola Sali 19:15

Tama Mosesgo augwalibolo te po wali, “Dagego do digi sisi ela muao. Tama megi e side gagalama, do tama te sogo dage we dabe dali me pilamo dao,” wali.

Ma Dobola Sali 25:30

Tama sesemane sogo dagego enabolo maiabo bret te tebolba naga munama, tama eno gedude munaluaibao,” wali.