1 Samuel 21:13 - Godigo dwagi yai po buku

¹³ Tama tiyu, te kingo me te aga ofisa dabego gedude dali, Devitgo te tibo po digi te aga esela pabo pedelali. Tama augwaligo aga nogo tuainu ebo sogo, teda aga te esela pabo bidi mu tiwai yalio. Tama aga te taunba pabo sunumide asesa biliyu, tama aga pedauwalide te pesa dini pedalumainu ilama tama te pesa te aga penani nisidu gila dulali.

1 Samuel 21:13 Referans Kwoze

Bugagia Bidibo Kolesagade Po Asęai Buku 29:25

Te aga gasa bidi dabede wi ebaso da, te wa me deli kekelama, tama aga digi te tubo te tiwai ebao. Tiali goli, te bidigo homu Genuai Bidiba bomo elama dąų obaso da, te aga bugagia bidaibao.

Kolesaga Koneai Bidigo Pusali Po Elalubo Buku 7:7

Te wiegi yai homu kolesaga elalubo bidi bidali, tiali goli agai bomonama eyu, gasa bidigo mone sobaso da, teda aga te wabo pabo bidigo homu kolesaga tiwai elalubao. Me, te bidi mego te po tų odoyu, te bidi agai gasa bidigo nogode geme mone sabogo te kolesagago agai te wiegi yai homu kolesaga dolai dao.

Pris Sę Ebo Bomai Po 13:29

“Te bidi me deli ma we buluba keni keni te tobolude pedalubaso, ma penanede keni ebaso da,

1 Samuel 21:14

Akisgo sulama, tama aga ofisa dabebolo te tama po wali, “Te bidi te esela mu pobao. Tama teyu, magi baso dagego aga enaba odasa asaliwe?

1 Samuel 17:11

Sol me aga ami dabe daligo te po odama, tama augwali wi dwai mu yai.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.