1 Samuel 20:5 - Godigo dwagi yai po buku

⁵ Tialima, Devitgo te tama po agabolo wali, “Do da, te gesi poluago te genuai side tama eno te king dali nai tugi pabo da. Tiali goli, nago homugo te wiegi yai da eyu da, teda ena te giba geme duala sigi pelama, te gasa do da wabo sogo te be pio eboba usu naibao.

1 Samuel 20:5 Referans Kwoze

Israel Hanigo Namba 10:10

Tama me ma, te lotu wabo genuai sogo me, te gesi noma poluade me, ma gasa lotu wabo genuai sogo me, te biugel eliyu yao. Dagego te biugel te isigo ulama, sese dela silibo ofa ulubode, me homu deliba yainu ebo ofa ebode, te biugel eliyu yao. Tama eno dage koneama, eno dage tau saibao. Ena God, dagego Genuai Bidi, eno polo wali.” Te po wai.

1 Samuel 19:2

tama tibaso aga pelama, Devit sugi pelama, agabolo te po wai, “Eno ayago nage ela muainu ebao. Tama teyu, do kigamu nago naga digi te bugagia tonaluao. Nage te giba pelama, geme duala sigi pao.

Israel Hanigo Namba 28:11

Tama Genuai Bidigo Mosesbolo te we bidibolo te po omainu yali, “‘Te tigidali poluago namba wan deide dagego Genuai Bidiba ofa yao. Te da, te isigo mu dela silabo ofa dao. Dagego kau kibu omai si ofa eyu, me sipsip kibu omai si ofa eyu, me 7 sipsip kibu omai te kibu be deli yai, te ofa yao. Tama te hasa dabe tigidali te augwaligo tigi keni dabego me dolisąma yai dabe sao.

Godigo Nogi Ugwaba Sabo Tęąbi Po Wabo Buku Dabe 81:3

Te biugel bu wabo te genuai side te gesi polua nanama, tama te polua genuai pedalubo sogode, te biugel bu waiyąo.

Kolosi 2:16

Krais aga isaligo te da po tų yabo sę silibaso, dagego bidi me deligo dagebolo po weyu dagego tubo naide me, tubo ąįde me te bomo yai po mabo gogolamuo. Te lotu po wabo tedali sa muani sogo dabe dali, te yaluai polua sogode wabo lotu dali, te Sarere deli deli toma tubo sogode me, te sogo tigidalide te bidi me deligo dagebolo bomo yai po mabo gogolamuo.

Godigo Sęba Tagala Palai Bidigo Po 17:14

Tama polo te Jisasgo po wali pabo bidi hani augwaligo Pol dali bidi me badu dali te nabisba tagala palali. Tiali goli, Sailas dali, Timoti dali te Beria be nanide bidaluali.

Dwagi Yai Gesi Po Jongo Asęani 8:59

Te Juda bage augwaligo Jisasgo te po wabo odobaso, tama augwaligo masigi selama, Jisas aga elainogo yai. Tialima, aga geme duala siyu, ela pelama, tama te Moni Lotu Be tempel taga peyu, aga buluba teda pai.

Bugagia Bidibo Kolesagade Po Asęai Buku 22:3

Te wiegi yai homu elalubo bidi, agai te tiwai koneyu, te sęgę agaba pedalubo si, te agai ela soaibao homu yai. Tiali goli, te wiegi yai homu elalusiąbo bidigo, agai suali, te dwai sęgę te agai sunumide elalubaso, tama aga peyu, tama gesabidi deliba unulama, tama te sęgę tolobo dao.

Godigo Nogi Ugwaba Sabo Tęąbi Po Wabo Buku Dabe 55:12

Te boi bidi me deligo po dwai enabolo wagi sogo da, tagalao, eno te agai wabo pogo sęgę bugagia toligi da. Ma, ena wei isiąwai bidigo enaba kęnę po wagi sogo da, teda ena agade geme duala sabo usugi da.

1 Samuel 20:19

Tama duba nage te genuai masigi tudi badu pelama, te polobadu yali tiwai gilama teba geme duala sigi pelama bidao,” wai.

1 Samuel 20:6

Tama nago ayago suali, ena te tebol te nai tubo madi dugulalusiąbaso, tama agai nageba hanalu, ena menade bidibowe obaso da, teda nago agabolo te tiwai po wao, ‘Devit te aga asesa polo te aga bulu Betlehemba painu yali, magi baso meni, te sogo te tigidali kibu bede te aga hani sibi deliba sisinama, te ofa ebo da po wali. Agai enabolo hanalu, te ena pao waibawe obaso, tama eno agabolo usu da wai dao.’ Nago te po agabolo wao.

Te Israel me Juda Hani Sigo Tuni Bidigo Po Elalubo Buku Si 4:23

Tama aga bidigo te po wai, “Magi baso nago homugo nage megi tama polo paiwe? Nago homugo te Sabat bodolude sabolagasobo tonalubo meniwe, ma te gesi polua genuai bodolude pedalubo tonalubo meni da, agawe?” Tama wego te po wali, “Tagalao, ena homugo dao. Nage dua bidao,” wego te po wali.

1 Samuel 20:4

Tama Jonatango Devitbolo te po wai, “Nago homugo eno magi sę ebogo nage tau somainuwe? Te mena sę yaibaso, eno ebaso te usu yaibao,” wali.

1 Samuel 20:18

Tama Jonatango Devitba te tiwai po wali, “Do da, te gesi poluago genuai side dao. Tama nage te nai tubode bidisiąbaso da, teda ayago te nago sia sai te olo elalubo subaso, tama aga homu hauwa yaibao.

1 Samuel 20:24

Tama tiyu, Devit te giba geme duala sigi pelama bidali. Tama do te king Sol te gesi polua side te genuai nai tugi peyu palio.

1 Samuel 20:27

Tialima, te gesi polua te si sogo wabode augwali te nai ma tueinu sisinani, tama te side me te Devitgo sia olo elaluai. Tialima, Solgo Jonatanbolo wali, “Ae, tegobao! Do bidali sogo, me megi me, te Jesi aga ogwa te nai tuboba me asobeo. Magi baso aga asobewe?” Solgo te po hanalu wali.

Amos 8:5

Duga digi dagego te tiwai po obao, “Dago homugo te genuai lotu wabo side polo silao homu ebao, tama dago te dena nai dabe te maketba mugi pelama, te bidi dabego abelimainu homu yaibao. Nisu sogo te toma nabo Sabat si siligowe? Da asesa te maketba pabo homu eyu, te dago nai dabe maketba mugi paibao. Tama tibaso, dago mone mubo ugwaba igulama, te dago tibo dąį ilibo sę elama, tama te nai abelibo bidi dabe muma sabo usu sabo skel mueibao.