1 Samuel 20:41 - Godigo dwagi yai po buku

⁴¹ Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.

1 Samuel 20:41 Referans Kwoze

1 Samuel 18:3

Tama Jonatango Devit godolo homu mu ebaso, tama tiyu, agai bomai po me deli Devitba dąų walali, te agai Devit godolo ebo homu te sesemane elalubao. Tama Devitgo me Jonatanba te tiwai po naga wai, tama augwali si te age name si tama bidai.

Tigidali Nai Gagalama Nigali Side 29:11

Tama Jekopgo te Resel dali nono nenama, tama gela wai.

Godigo Sęba Tagala Palai Bidigo Po 20:37

Tama augwali tigidali sisinama, Pol pagea selama, sebedi usu eyu, gela wali.

2 Samuel 19:39

Tialima, king me aga hani we bidi dabe te wę Jordan nogelama, u badu tugi pali. Tama kingo te Barsilaiba te gesabidi nono nenama, tama Godiba hanalu, te Barsilai wiegi yai ilimainu yali. Tama Barsilai te aga buluba ma geasa palio.

2 Samuel 9:6

Te bidi aga nogi te Mefiboset dao. Aga te Jonatango ogwa, tama te king Solgo ogwago wai, te aga nǫų wąį dao. Te aga sabalubo sogode, teda aga kidu sugunugulama, tama aga gesabidi tǫba pogulama, te Devitgo nogi ugwaba siyu tama tiali. Tama Devitgo agabolo te tama po wali, “Mefiboset, siade dao.” Tama Mefibosetgo te tama po wali, “King o, ena naga sę bidi naga dao.”

2 Samuel 1:26

Eno ama, Jonatan, nagede eno homu dene mu ebao. Eno nage godolo mu eyu, tama nago ena me godolo mu yai. Nago godolo ebo homu te bomo mu eyu, tama te wego bidi godolo ebo homu te aiyaba elalualio.

1 Samuel 25:23

Abigelgo Devit sulama, tama polo tama aga te donki dulaluali tagalu, tama te tǫba samonani.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Tigidali Nai Gagalama Nigali Side 45:15

Tama Josepgo aga ama solo tigidali nono neyu, tama gela dali wai. Tama nosali augwaligo aga dali po miani.

Tigidali Nai Gagalama Nigali Side 43:28

Augwaligo te po wali, “Dago aya, nago sę bidi, aga te bugagia bidibao.” Augwaligo kidu sugunama, tama agaba mage basi gulali.

Tigidali Nai Gagalama Nigali Side 29:13

Labango te aga abego wai asali po odama, tama aga udulama, aga bidibo madi pai. Labango Jekop aga pagea selama, tama aga nono nenama, tama aga beba odasa pali. Tialima, Jekopgo agade yali sę po tigidali pusali.

Tigidali Nai Gagalama Nigali Side 42:6

Te Josep aga te polalubo gavman bidi te Isipde bidali, tama tigidali Isip tǫ badu bidalubo bidi dabe te aga bidibo digi pelama, tama te wit abeligi pai. Tama te Josepgo ama dede te aga bidibo madi sabolama, tama augwali te aga gedude kidu sugunama, tama augwali te gesabidi te tǫba basi gulali.

1 Samuel 20:40

Tama Jonatango enesigi dali te ene dabe me te ogwabolo menama, tama agabolo weyu, te taunba ma tolasa pao po wai.

Tigidali Nai Gagalama Nigali Side 33:4

Tiali goli, Iso udada aselama, tama aga ama pagea sagaselama, tama aga dali nono nai. Tama aga si talua si gela wali.

1 Samuel 24:9

Tama Devitgo Solba te tiwai po wali, “Magi baso nago olo te bidi dabego wabo poba muyu, te eno nage dolaibao homu ebo dawe?

2 Samuel 1:2

Tama te sela sogo wabode te gesi ogwa bidi me deli te Siklakba sabolali. Agai te aga ugwa pisilama, tama aga tobolude te tǫ piali, te aga homu dene ebo ola magasiyu tiai. Aga te Devitba pelama, tama kidu sugunama, tama gesabidi tǫba pogulama, Devitba homu dwagi yai ilali. Te bidi te Sol bidali pesage tagalama, asali.

2 Samuel 14:4

Aga te king gesabidide te tǫba degasa dulama, te kingba genuai nogi mayu tiali. Tama wego te tama po wali, “Te king o, eno homugo te nago ena tau somainu homu ebao.”

Te Israel me Juda Hani Sigo Tuni Bidigo Po Elalubo Buku Deli 1:16

Tama Batsebago te king pąba tobolu basi gulubaso, tama kingo agaba te tama po hanalu wali, “Nago magi nai godolo ebowe?”

Te Israel me Juda Hani Sigo Tuni Bidigo Po Elalubo Buku Deli 1:23

Tialima, te kingo sę ebo bidi dabego te kingba te po walali, “Profet Natan aselama, te nage suagasainu ebao,” wali. Kingo usu da po obaso, tama Natan te be tomoba pelama, tama kidu sugunama, tama te king pąde te aga tobolu tǫba basi gulalio.

Te Israel me Juda Hani Sigo Tuni Bidigo Po Elalubo Buku Deli 1:31

Batsebago te po odobo si da, teda te aga kidu sugunama, tama tobolu basi gulama, tama Devitba te tama po wai, “King, nage eno genuai bidi, tama eno homugo nage sesemane sogo nage bugagia bidimainu homu ebao,” te po wai.