1 Samuel 20:27 - Godigo dwagi yai po buku

²⁷ Tialima, te gesi polua te si sogo wabode augwali te nai ma tueinu sisinani, tama te side me te Devitgo sia olo elaluai. Tialima, Solgo Jonatanbolo wali, “Ae, tegobao! Do bidali sogo, me megi me, te Jesi aga ogwa te nai tuboba me asobeo. Magi baso aga asobewe?” Solgo te po hanalu wali.

1 Samuel 20:27 Referans Kwoze

1 Pita 2:4

Te eno megi te bede po digi po begelama obao. Dage te dago Genuai Bidi Krais aga pageba asiąo. Aga da te bidabo ula elalubo masigi tiwai dao. Tama bidi dabe augwaligo agade ‘Te olo masigi dao’ homu eyu, aga sela sąwai goli, te Godigo gedude aga da te wiegi yai masigi mu dao, te Godigo aga deli hagea sali.

Matyu 13:55

Te bidi da te kamda bidigo ogwa naga dao. Aga ida nogi Maria dao. Agai ama dabe te Jems, me Josep, me Saimon, me Judas, te augwali dao.

1 Samuel 25:10

Tama Nabalgo te tama po wei augwaliba ponoyu, te tiwai po wai, “Te Devit, te Jesigo ogwa, te de dawe? Eno aga me konebeo. Megi e sogo te sę tonalubo bidide te olo sę bidi hauwa wi peyu ebo sogo elalubao. Te aga me te olo sę ebo bidi naga homu ebao.

1 Samuel 19:15

Tialima, augwali te Solba ma pelama, tama agabolo wagi pali. Tiali goli, agai augwaliba te po wali, “Dage ma geasa pelama, tama te be tomoba pelama, tama Devit suao. Tama dage aga te betde selama, tama aga odasa aselama, tama eno aga ela muaibao.”

1 Samuel 18:11

tama te tiwai homu yali, ‘Megi da, te eno Devit te sesemone enego enama, tama aga ela muaibao,’ homu yai. Tialima, agai te sesemone ene te Devitba sąnama enani, tiali goli Devitgo te sesemone ene geda munama, ela soali. Tama Solgo te tiwai si sogo yali.

1 Samuel 20:5

Tialima, Devitgo te tama po agabolo wali, “Do da, te gesi poluago te genuai side tama eno te king dali nai tugi pabo da. Tiali goli, nago homugo te wiegi yai da eyu da, teda ena te giba geme duala sigi pelama, te gasa do da wabo sogo te be pio eboba usu naibao.

1 Samuel 20:26

Tialima, Solgo suali, te Devit bidibo subeo, tiali goli te sogode agai te sęde po me mibeo. Aga homugo naga kone palali, ‘Te Devit mena sę yaliwe? Te magi nai me deli agaba pedelama, tama aga te God gedude wiegi yai me egobe da homu ebaso, te aga asobewe?’

1 Samuel 20:28

Tama Jonatango te po wali, “Agai bomo elama, enaba hanalu, aga te Betlehemba pomainu yao po wali.