1 Samuel 20:26 - Godigo dwagi yai po buku

²⁶ Tialima, Solgo suali, te Devit bidibo subeo, tiali goli te sogode agai te sęde po me mibeo. Aga homugo naga kone palali, ‘Te Devit mena sę yaliwe? Te magi nai me deli agaba pedelama, tama aga te God gedude wiegi yai me egobe da homu ebaso, te aga asobewe?’

1 Samuel 20:26 Referans Kwoze

Pris Sę Ebo Bomai Po 15:5

Mena bidigo te bidigo pibo betba nogo mubaso, ma te bidi dugabo sia saiba dugabaso da, teda aga ugwa digi wę telayu, te aga me ąį paugi pao, tiali goli te agade meda elaludubadi te be pio mu igi paibao.

Pris Sę Ebo Bomai Po 11:27

Te tobage tigidali hasa te sągąde dani elalubaso, te wiegi yai hasa menio. Dage te tobage hasa isai tigi me diąwai baso da, teda dage eno gedude meda pedelama, tama dage tiwai bididubadi te giliga dega sigulaibao,” Genuai Bidigo te po wai.

Pris Sę Ebo Bomai Po 11:24

“Te me badu gasa tobage hasago me te dage eno gedude meda pedalubo sę yaibao. Te bidi me deli te isai hasago tigi diąwai baso da,

1 Samuel 16:5

Tama Samuelgo te po wali, “Ena te Genuai Bidiba naga ofa ilagasu asali. Dage te duga digi te God gedude wiegi yai bolo ilama da, tama nosali dage ena dali asama, te ofa yagasao,” wali. Tama aga te Jesiba pelama, tama te Jesi dali aga ogomani me te Genuai Bidi gedude dwagi yai ilama, tama augwaliba hanalu te ofa yaboba asao wai.

Israel Hanigo Namba 19:16

“Ma, bidi me te dulude ma kala silide bilibadi, te isai bidi tigi me dįąwai yaibaso da, te bidi ela muai bidi ma aga digi olo dali isai bidi dįąwai yaibaso, ma te damua pai bidigo dili dįąwai yaibaso, ma agai te gų pagede sągą agawai yaibaso da, teda te bidi eno gedude meda yaibao. Tama aga meda elalubadi, a naga olama, si sogo tama elaluaibao,” wali.

Pris Sę Ebo Bomai Po 11:40

“Tama bidi me deligo te hasa mi tubaso, ma agai te hasa tolai baso da, teda agai ugwa ąį telayao. Tialima, aga digi te meda elalubadi te sia ge dega sigi paboba mu usu naibao,” wali.

Pris Sę Ebo Bomai Po 11:31

Eno te hasa dabe dageba habu selibao, te augwali isai madi dagego augwali tigi diąbaso da, te dage meda pedelama, te elaludubadi giliga dega siguluboba usu naibao.

1 Samuel 20:27

Tialima, te gesi polua te si sogo wabode augwali te nai ma tueinu sisinani, tama te side me te Devitgo sia olo elaluai. Tialima, Solgo Jonatanbolo wali, “Ae, tegobao! Do bidali sogo, me megi me, te Jesi aga ogwa te nai tuboba me asobeo. Magi baso aga asobewe?” Solgo te po hanalu wali.