1 Samuel 20:24 - Godigo dwagi yai po buku

²⁴ Tama tiyu, Devit te giba geme duala sigi pelama bidali. Tama do te king Sol te gesi polua side te genuai nai tugi peyu palio.

1 Samuel 20:24 Referans Kwoze

Bugagia Bidibo Kolesagade Po Asęai Buku 21:3

Dago te wiegi yai doloba pai kolesaga wali pao. Te Godigo gedude te tobage kolesagago te dago agaba ofa mabo te aiyaba mu elalubo dao.

Bugagia Bidibo Kolesagade Po Asęai Buku 17:1

Te bidigo aga we wai dali haliga nagame elama bidiyu, tama augwa dwasianu te dwai tubo nai delage dabe elalubaso da, teda tego te genuai nai da te we bidi dabe dali tuyu, te wado eyu, hwįyu ebo kolesaga te aiyaba mu elalubo dao.

Bugagia Bidibo Kolesagade Po Asęai Buku 15:17

Te bidi godolo homu ebo kolesaga, te polalubo homu kolesaga dao. Tama tiyu, nage te naga abagi dabe dali bidiyu, tama dagego te donai naga tubaso da, te dwagi yai dao. Ma, nage te godolo homu isiąbo bidi dabe dali bidiyu, tama dagego te bulmakau kibu mi tubao, te dwagi yai menio.

Bugagia Bidibo Kolesagade Po Asęai Buku 4:17

Te dwai kolesaga ebo, me te gasa bidi dolobo kolesaga, te augwa tubo nai me wę tubo tiwai gilama ebo dao.

Dwagi Yai Gesi Po Jongo Asęani 18:28

Te be tama posobadi, tama augwaligo Jisas ma selama, te bidi Kaiafas agai be tagalama, tama augwaligo Jisas te gavman tuni bidigo beba sela pai. Tama te beba sabolama, tama te Juda bage augwali digi te gavman tuni bidigo be tomoba pabeo. Te gavman bidi te Juda hani isąwai bidi bidibaso, te Juda dabe aga be tomoba pabeo. Te habu selali bolidali weyu, tama augwali te be bulu badu bidali. Augwaligo te homu yai, te habu selali bolisiąbadi, dago te Pasova nai tueibao, te homu yai.

Sekaraia 7:6

Tama me ma, dagego nai tubo sogo da, teda dagego duga tabi pągąnabo nai naga tuyu ebo dao,’ te po augwalibolo wao,” Genuai Bidigo te po walali.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

1 Samuel 20:5

Tialima, Devitgo te tama po agabolo wali, “Do da, te gesi poluago te genuai side tama eno te king dali nai tugi pabo da. Tiali goli, nago homugo te wiegi yai da eyu da, teda ena te giba geme duala sigi pelama, te gasa do da wabo sogo te be pio eboba usu naibao.

1 Samuel 20:23

Tama nage bugagia bidibo sogo, nago te Genuai Bidigo dago e po dąų wabo suali, te homugo me gegeda palamuo, tama sesemane sogo nago te dąų wali po wali pao,” Jonatango te po wali.

1 Samuel 20:25

Tama aga te be paliali daga pąde elalubo sia saide dugayu, te aga sesemane sogo ebo tiwai gilama yali. Tama Jonatan hogodama, dolugulali, tama Apner te king pąde dulaluali. Tiali goli, te Devitgo sia duabo sai te olo elaluali.