Biblia Todo Logo
Bib sou entènèt

- Piblisite -




1 Samuel 20:17 - Godigo dwagi yai po buku

17 Tama Jonatango Devitba ma weyu, te Devitgo aga sesemane sogo godolo homu ebo bomai po dąų wao po wali. Magi baso meni, Jonatango te Devit godolo homu mu yali, te aga digi aga godolo homu ebo tiwai yai. Tama Devitgo te Jonatango wali po tiwai gilama te bomai po dąų walali.

Gade chapit la Kopi




1 Samuel 20:17
7 Referans Kwoze  

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.


Tama Jonatango Devit godolo homu mu ebaso, tama tiyu, agai bomai po me deli Devitba dąų walali, te agai Devit godolo ebo homu te sesemane elalubao. Tama Devitgo me Jonatanba te tiwai po naga wai, tama augwali si te age name si tama bidai.


Sol de Devit dali si po mia silibo si, tialima nosali Jonatan, te Solgo ogwa, te aga homu Devitba mu kęą pelama, tama agai te Devit godolo mu eyu, te aga digi aga godolo ebo tiwai mu yalio.


Eno ama, Jonatan, nagede eno homu dene mu ebao. Eno nage godolo mu eyu, tama nago ena me godolo mu yai. Nago godolo ebo homu te bomo mu eyu, tama te wego bidi godolo ebo homu te aiyaba elalualio.


“Tialima, te bidi o we, te dagego ama, o duga ogwa, o duga wegi, o duga we me, te dagego godolo mu ebo we me, o duga abagi mugo me, agai geme mu tama dagebolo tibo godiba lotu po wao po obaso da, teda dagego agai po me odamuo. Magi baso meni, dage me duga wąį dagego te tibo godiba polobadu lotu po me wai menio.


Gedaliago augwali sulama, augwaliba te tiwai po wali, “Nogo guni sisu weyu, eno mu po obao, dage te Babilon dabe dologode bidibo wi me igimio. Menio. Dage te tǫde bidalu, te Babilon king dologode bidali da, te dage bugagia mu bidaibao.


Te wiegi yai abagi dabego te da sesemane sogo wei homu yaibao. Mu tama, te ama dabego te da ama dabego te da sęgę ebo sogo tau sainu tonalubo dao.


Swiv nou:

Piblisite


Piblisite