1 Samuel 20:13 - Godigo dwagi yai po buku

¹³ Tiali goli, eno ayago nage dolabo homu ebaso da, teda eno nagebolo walaibao. Te eno nageba walisiąyu, tama eno nage wi pomainu tau sisąbaso da, teda Genuai Bidigo te genuai dene enaba momainu yaibao. Genuai Bidi te eno aya dali bidu, tama eno homugo me te nage dali bidiba homu ebao.

1 Samuel 20:13 Referans Kwoze

Tuni Bidi Dabego Po Elalubo Buku Deli 22:16

te tama nai dabego haniani nai nigibo koneai bidi hauwa elalubao. Nago sę hodolao, tama te Genuai Bidi nage dali bidaibao,” Devitgo te po wali.

Tuni Bidi Dabego Po Elalubo Buku Deli 22:11

Tama Devitgo po te Solomonba ma weyu te tama wali, “Ogwao, eno homugo te Genuai Bidi nage dali bidu te nage tau sobaso, te Godigo be sę yaibao, dago Genuai Bidi, te tiwai po aga digi wai dao.

1 Samuel 17:37

Genuai Bidigo ena tau sobaso, tama tiyu te laion me beago te ena me dolobeo. Tama megi me, agai ena tau siyu, tama te Filistia bidigo ena me ela mugobeo,” wali. Tialima, Solgo agabolo te po wai, “Wiegi yai da, nage pagameo. Tama eno homugo Genuai Bidi nage dali bidimainao,” wali.

Rutgo Po Elalubo Buku 1:17

Te nago isibo bulude, te ena me isimai yaibao, tama augwaligo ena te bulude pubulumai yaibao. Eno te magi nai me deligo dadi si tomode dąį ilainogo ebo te me gogologobeo. Isibogo naga dadi si tomode pedemainu yaibao. Mu tamao. Ma, eno te po wali te eno wali pisąyu da, teda Godigo enabolo dene genuai mu ilimainogo emainao,” Rutgo te po wai.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

1 Samuel 3:17

Tama Eligo agabolo hanalu wali, “Genuai Bidigo mena po nagebolo waliwe? Nago ena dali po me deli dualigio. Te nago po me deli dualubaso da, teda Godigo nageba dene momainu mu yaibao,” wali.

Filipai 4:9

Ena dage dali bidibadi eno te haniani kolesaga po dagebolo ola menama tama dagebolo mani. Tama dagego eno yali kolesaga gedugo suali. Dagego te enade tama sali kolesaga sesemane sogo iduao. Tama tiyu te dabolo nagame homu ilibo God aga dage dali bidaibao.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Te Israel me Juda Hani Sigo Tuni Bidigo Po Elalubo Buku Deli 20:10

Tialima, Benhadatgo augwali ma tagala palama, te gasa po Ahapbolo wagasomainogo yali, “Megi da, eno ami bidi umabo mu seselama, nago te taun dolagasomainu yaibao. Augwaligo te tigidali doado bage dolama, te olo nai pobele bage tiwai mu pedelaibao. Eno te tiwai isąbaso da, teda ena te ena god dabego ela mumainu emainao,” te po ola tolali.

Te Israel me Juda Hani Sigo Tuni Bidigo Po Elalubo Buku Deli 19:2

Tama Jesebelgo Elaijaba te tiwai po ola tolai, “Te eno nage ela mueibao, te nago Balgo profet bidi dabe ela muani tiwai nage ela mueibao. Do megi e tiwai sogo usu nagasobo side, te nage isaibao. Te eno te tiwai me isąbaso, eno homugo te god dabego ena digi ela mumainao,” wali.

2 Samuel 19:13

Tama me Devitgo te pris siba po waliyu, te tama po Amasaba omainu yai, “Dadi si te deli kaneme dao. Eno nago te Joapgo pesage selama, tama eno ami dabego polalubo ofisa bidi nigilaibao. Te eno tama tisąbaso da, teda Godigo ena ela mumainu yaibao,” wali.

2 Samuel 7:15

Tiali goli, eno aga godolo mu eyu, te olo tau sabo wiegi yai kolesaga agaba sesemane sogo yaibao. Te eno aga tudiba me musiąyu, te eno te Solba yali sę tiwai eyu, te eno aga sela sąwani sogo, tama te nago agai bidali pesage sali gilama te tiwai me egobeo.

2 Samuel 3:35

Te silibo si nosali, te we bidi dabego Devitbolo weyu, te aga nai tuao wali. Tiali goli, aga hagela homu elama, tama aga bomai po dąų weyu, te tama po wai, “Ena te nai munu me tusiąbadi, te giliga dega sigulaibao. Tiali goli, eno homugo te giliga dega sigi pisąbadi, te eno nai tubaso da, teda Godigo ena ela mumainao,” Devitgo te po wali.

1 Samuel 25:22

Tama tialima, eno te hani bidi tigidali te hulide digi ela muainu yaibao. Te meni ebaso da, Godigo ena te boi bidi dabego ela mumainu emainao,” wai.

1 Samuel 18:12

Genuai Bidi te Devit dali bidibo te Solgo koneani, tama Sol tudiba muduali. Tama tiyu, Sol te Devitde wi elama,

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

1 Samuel 10:7

Te sę dabe nageba pedalubo sogo da, teda nago koneaibao, te God nage dali bidu, te Godigo nageba mani sę ebo te nage tau saibao. Tama nosali, nago homugo te mena sę te we bidi tau sabo wiegi yai sę da homu ebaso da, teda nago te sę yagameo.

1 Samuel 19:3

Tialima, te aya da si te pedai te pą badu te nage geme dualalubo badu soyu, tama ena te aya dali dolalu, te nagede po miaibao. Tama agai magi sę nage dali yainu ebo te eno gegelama subaso da, teda eno nagebolo waibao,” wali.

1 Samuel 20:12

Augwa si teba sabolama, tede Jonatango Devitbolo te tiwai po wali, “God, te da Israelgo Genuai Bidi, te dago e wabo po odomainao. Tama eno tibo po weyu da, teda agai enaba te dene momainu yaibao. Do, ma duba, e tiwai tobage sogo, eno ayabolo te nagede po hanalu waibao. Tama agai nagede usu da po obaso da, teda eno nageba po ola tolaibao.

1 Samuel 20:14

Tama nosali, ena me bididubaso da, teda eno homugo te nago ena isimainu me iligobeo. Menio. Nago wiegi yai homu eyu, olo tau mabo kolesagago te ena wiegi yai bugagia ilao, te nago Genuai Bidigo gedude te bomai po dąų walali po te tiwai yao.

Te Israel me Juda Hani Sigo Tuni Bidigo Po Elalubo Buku Deli 1:37

Tama Genuai Bidi te Solomon dali bidiyu, te aga tau somainu yaibao, te agai nagede yali gilama tiwai emainu yaibao. Tama me te Godigo Solomon te wiegi yai bomai king pedalumainu elama, tama te genuai nogi elalu, te nago genuai nogi elaluali te aiyaba elalueibao,” wali.