1 Samuel 20:10 - Godigo dwagi yai po buku

¹⁰ Tialima, Devitgo agabolo te po wali, “Nago enade po ayabolo walali madi, tama agai te wado pogo naga te po wei ponobaso da, teda dego enabolo te po wagasogowe?”

1 Samuel 20:10 Referans Kwoze

Bugagia Bidibo Kolesagade Po Asęai Buku 18:23

Te magi nai doado bage meni yai bidigo te nagame yai po dua digi te mone hauwa elalubo bidi dali weyu, tama agaba hanalu te aga tau somainu yali. Tiali goli, te mone hauwa elalubo bidigo te sesanobo po bomonama agaba wei ponobo dao.

Te Israel me Juda Hani Sigo Tuni Bidigo Po Elalubo Buku Deli 12:13

Tama te kingo te monu dabe gavman ofisa bidigo ola mani kolesaga tų wali pabe. Mu meni. Tama agai te gesi ogwa bidi gavman ofisa bidi dabego ola mani kolesaga tų wali peyu, tama agai te tigidali we bidi agai te augwalibolo po bomai mu wali. Agai augwalibolo e tama po ola mani, “Te mu tama, ayago dagebolo sęgę mawai dao, tiali goli eno dagebolo genuai sęgę ma mawaibao. Eno ayago dage te wip bįgo elai dao, tiali goli eno da, te dage bomai wip bį selama, tama dage me eluduaibao,” wali.

1 Samuel 25:17

Tama tiyu, nago bugagia koneao, megi da, te Devit aga bidi dabe dali asiyu, te dago genuai bidi me te tigidali we bidi dali dolagasaibao. Tama magi naigo nago te yagasobo sę paliabo sunumi te bugagia homu kone palao. Ena nageba asali, magi baso meni, Nabal te hagoma bidi, tama agai te dago po me odogobeo,” wali.

1 Samuel 25:14

Te sogo te Nabalgo sę ebo bidi me deli palima, te Abigel sugi pali, te Nabalgo we, tama agabolo te tama wai, “Devit te tǫ wa pai bulude bidiyu, tama aga bidi meba tagala palama, te dago genuai bidi Nabalba aselama, tama augwaligo agaba te siade da po wai. Tiali goli, agai po dwai augwaliba manio.

1 Samuel 25:10

Tama Nabalgo te tama po wei augwaliba ponoyu, te tiwai po wai, “Te Devit, te Jesigo ogwa, te de dawe? Eno aga me konebeo. Megi e sogo te sę tonalubo bidide te olo sę bidi hauwa wi peyu ebo sogo elalubao. Te aga me te olo sę ebo bidi naga homu ebao.

Tigidali Nai Gagalama Nigali Side 42:30

Augwaligo te tiwai po wai, “Te Isip polalubo gavman bidigo te bomai po dabolo weyu, tama dabolo te da sa asobo bidi dabe dao po wali.

Tigidali Nai Gagalama Nigali Side 42:7

Tama Josepgo aga ama dede sulama, tama polo agai augwali sulama, konea pali. Tiali goli, agai augwali dali po miani te agai augwali konesiąwai bage dali po mibo tiwai yai. Agai augwali dali po bomonama, tama te po wai, “Dage menadu asaliwe?” Augwaligo te po wai, “Da te Kenandu aselama, tama da nai abelagasu asali,” wali.

1 Samuel 20:9

Tama Jonatango agabolo te tama wali, “Tagalao, nago te tama homu tiwai homu me igio. Te eno ayago dwai sę nageba yainu ebo te eno konebaso da, teda eno nageba walaibao. Eno munu me geme dualugobeo,” wali.

1 Samuel 20:11

Tama Jonatango Devitbolo te po wai, “Da si te giba pelama, po migi pinao.” Tialima, augwa si hogodama palio.