1 Samuel 2:35 - Godigo dwagi yai po buku

³⁵ Tiali goli, eno te pris bidi me deli nigilama, tama agai homu enaba mu munama, tama eno homugo emainu ebo sę tigidali te agai yaibao. Tama eno te agai hani dabe te sesemane sogo pris bidada pomainu ilama, tama augwali te eno nigilali king bidi dali sę emainu yaibao.

1 Samuel 2:35 Referans Kwoze

2 Samuel 7:27

“Genuai Bidi, nage te tigidali bomo elalubo, tama nage te da Israel dabego God. Tama nago enabolo te tama po pusali, nago te eno wąį nǫų hani bidi dabe te bomo sesemane sogo elaluaiba wali. Tama ena, te naga sę bidi, eno te nageba gedu haluasa po wabo wi me egobeo.

Te Israel me Juda Hani Sigo Tuni Bidigo Po Elalubo Buku Deli 11:38

Te nago eno bomai po tigidali me, te eno po me, te wali peyu, tama nage te eno sa muani te wiegi yai sunumidu biliyu, tama nago eno te wei eyu, godolo homu yabo kolesaga eyu, te Devitgo yali tiwai ebaso da, teda ena nage dali bidiyu, te nage tau saibao. Tama eno nage te Israel dabego king bidimainu yaibao. Tama sesemane sogo eno te nago hanide king pedalumainu eyu, te eno Devit dali yali tiwai gilama yaibao.

1 Samuel 25:28

“Te eno yali sę nage gedude dolo meni ebaso da, teda eno homugo nago te eno yali dwai sę te sela sąyao. Eno koneani, te Genuai Bidigo homugo nago te boi bidi dabe dali hwįgi pomainu homu ebo sogo, teda nago te boi bidi dabe dali hwįgi pali. Tama nago te dwai kolesaga ebo bidi meni. Tama tibaso, Genuai Bidigo nage te king pedalumainu elama, tama te Israel king dabe te nago wai hanide pedelaibao.

Godigo Nogi Ugwaba Sabo Tęąbi Po Wabo Buku Dabe 18:50

Genuai Bidigo ena Devit sa munama, tama ena te king bidibao. Tama agai eno te hwįbode sesemane sogo te boi bidi dabe aiyaba elalumainu ilali. Agai ena godolo mu elama, tama te eno wąį nǫų, te nosali pedalubo bagede me, te tama tiaibao. Agai te da godolo mu ebo kolesaga munu me siligobeo.

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

Tuni Bidi Dabego Po Elalubo Buku Deli 29:22

Tama te side te we bidi dabe augwa te ąį dabe me kibu mi dabe tuali, te gasa ofa yali nai dabe tuyu, tama augwa wiegi yai pemene umabo mu te Genuai Bidiba yai. Tama me te side, te Genuai Bidigo nogide augwaligo wel te Solomon toboluba gealuama, te aga si sogo ma dąį ilama, te aga king pedalumainu ilalio. Tama me augwaligo Sadok te polalubo pris bidimainu dąį ilalio.

Te Israel me Juda Hani Sigo Tuni Bidigo Po Elalubo Buku Deli 2:35

Tama kingo Benaia te ami bidi dabego polalubo ofisa bidi nigilali, te Joapgo pesage agai hasegelama sali. Benaia te Jehoiadago ogwa dao. Tama kingo te pris Abiatargo bidali pesage te pris Sadokgo hasegelama somainu nigilali.

Te Israel me Juda Hani Sigo Tuni Bidigo Po Elalubo Buku Deli 1:45

Tama augwali te wę Gihonba pali, tama Sadok de Natan dali sigo te Solomon toboluba wel gelama, tama aga te king sa muyu nigilali. Tama augwa te i weyu, wiegi yai homu pemene elama, tama te Jerusalemba ma aselama, tama megi da, te Jerusalem bidi dabego me te i hai weyu, tama kulukulu genuai mu wali. Te kulukulu wabo naga megi nago odalio.

Te Israel me Juda Hani Sigo Tuni Bidigo Po Elalubo Buku Deli 1:8

Tiali goli, pris Sadok me Benaia, te Jehoiadago ogwa, tama te profet Natan me, Simei me, Rei me, te king tonalubo ami bidi dabe me, augwaligo te Adoniya dali deli homu me ebeo.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

1 Samuel 12:3

Dagego eno kolesaga bugagia koneani. Tiali goli, eno dwai sę me deli dageba yaibaso da, teda dagego megi ena te Genuai Bidigo gedude, me te agai sa muani king bidi gedude, te ena po tų iliąo. Te eno bidi me deligo bulmakau me donki te sai dawe? Ma, eno te bidi me deli tibo po ola mayu, tama agai doado bage me wi sai dawe? Ma, eno bidi me delide dwai sę ilaliwe? Te bidi me deligo enabolo te po tų ebo te homu bega sabo po weyu, mone mawai dawe? Eno te tiwai sę me deli yaibaso da, teda megi dagego enabolo te po obaso, tama eno te sę wei ponoyu, tama dodolaibao,” te po wai.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Godigo Nogi Ugwaba Sabo Tęąbi Po Wabo Buku Dabe 2:2

Te augwaligo king dabe tigidaligo me te hwįabo sisi yali. Tama te tobolu bidi dabe sisinama, tama Godiba po dwai wali, tama agai te sa muani bidi te polalubo bidi, agaba me te dwai po wali.

Israel Hanigo Namba 25:13

Tama tialima, aga aga wąį wai dabe augwali pris sę sesemane sogo elalua pidu mu elalua paibao. Magi baso meni. Agai homugo te Israel dabe ena hasegelama, te tibo godiba lotu wabo hagela mu yalio. Tama agai te we bidi dabego sęgę sela sąyabo sę me deli yalio,” te po wai.

1 Samuel 2:36

Tama nago hanide niwai bidi me deli bidali da, te pris pageba pelama, tama agabolo gonoyu, te dwasianu mone po me, nai po me hanalu waibao. Tama augwaligo te prisbolo te tiwai po waibao, ‘Te nago da meba te pris sę emainu eyu, te da nai meba somainu yaibawe?’ God Genuai Bidigo te po wai,” te profet bidigo Elibolo te po wali.

1 Samuel 3:1

Te gesi ogwa bidi Samuelgo te Genuai Bidigo sę ebadi, te Eligo aga tonaluali. Te kibu be hauwa bidai madi, tama Genuai Bidigo te Israel dabebolo po hauwa sogo me wasiąwai. Te deli deli sogo naga te aga augwaliba te nade pedalubo tiwai elama, te augwaliba po magasali.

1 Samuel 7:9

Tialima, Samuelgo te ogwa bidi sipsip me deli elama, tama te tigidali siaba ulama, te Genuai Bidiba ofa ebo tiwai yai. Tama Samuelgo gedu haluasa po bomo elama weyu, te Genuai Bidigo te Israel dabe tau somainu yai, tama Genuai Bidigo agai te gedu haluasa po wabo odama, tama augwali tau sai dao.

1 Samuel 8:3

Tiali goli, augwali sigo te augwa ayago kolesaga tiwai me wali pabeo. Menio. Augwali sigo te mone sabo homu godolo yai, tama augwali sigo te gasa bidigo homu bega sabo po odoyu, tama tede te mone siyu, tama augwali sigo te ebo kolesaga geda muyu, tama te po tų bugagia me dodolobeo.

1 Samuel 9:12

Tialima, te we dabego augwali sigo po wei ponoyu, te po wai, “Geme dulai po haninibo bidi te ede bidibao. Megi tama aga te taunba pali, magi baso meni, te bidi dabego te dwasianu bulu dude ofa yainu ebaso pali. Aga te dage si pabodu polasa pali, tama dage si asesa polo piąo.

1 Samuel 9:13

Tama dage si te taun tomoba pabo sogo, te dage sigo aga sueibao, magi baso meni, aga te taunde me bididuaibao, tama aga te bulu duba nai tugi peyu pabeo. Agai te we bidi meba te ofa yali kibu mi tuagasomainu i wali. Tiali goli, te augwaligo agabolo asomainu tonalu, te aga sabalubo si te nai tueibao. Te aga asobo si da, teda agai te Godiba hanalu, te ofa wiegi yai ilimainu elama, tama nosali augwa te nai tueibao. Dage si asesa polo pobaso da, te dage sigo aga subaso usu yaibao,” wali.

1 Samuel 10:9

Solgo te po odama, tama aga begelama, te Samuel tagalubo sogo, teda Godigo gesi homu kolesaga agaba mawai. Tama te sogode naga te sę tigidali te Solbolo ola mayu pedelali, Godigo aga te king pedalumainu nigilai, te Samuelgo agabolo wali po tiwai gilama yalio.

1 Samuel 10:10

Te Sol aga sę bidi dali te Gibea buluba sabalubo sogo, te profet hani me deligo aga dali deliba gesabidi munasa, tama te Godigo Mobo agaba bomo elama pedelali. Tama aga te augwali dali deliba muna selama, tęąbi weyu, tama te profet dabego ebo tiwai te sasa mano bilai.