1 Samuel 2:33 - Godigo dwagi yai po buku

³³ Tama nosali eno te boi bidi dabe asomainu elama, te nago hani bidi tigidali ela mumainu yaibao. Tama bidi deli naga bididu, te pris sę iduaibao. Tama te tebo sę dabego te nago homu kolesaga dolama, tama nago gedu halua saibao.

1 Samuel 2:33 Referans Kwoze

Te Israel me Juda Hani Sigo Tuni Bidigo Po Elalubo Buku Deli 1:19

Tama agai te bulmakau omai hauwa, me te nisali bulmakau wai hauwa, me te sipsip hauwa badi te elama, tama te ofa yali. Tama agai te nago ogwa tigidaliba, me te pris Abiatar, me Joap, te ami bidigo polalubo ofisa bidiba te po ola tolobaso, tama augwali agai te nai ulubo madiba pali. Tiali goli, agai te Solomonba hanalu, te augwali dali pina po me wabeo.

Te Israel me Juda Hani Sigo Tuni Bidigo Po Elalubo Buku Deli 1:7

Agai te Joapba po migi pali, te Seruiago ogwa, tama te pris Abiatar dali me te po olama, tama augwali sigo aga dali te deli homu yalio.

Pris Sę Ebo Bomai Po 26:16

teda eno dagebolo dene maiabo sę e tiwai yaibao. Polo tama eno dage dwai wi mu ilama, te dage te tobage genuai gasi somainogo ilaibao, te tigi posolo mu ilibo gasi, me te dage gedu widaibao, te dagego tigi me dolaibao. Te dagego gi nai da bulaibao, tiali goli dagego te nai ge me sela tugobeo. Mu menio. Te boi bidi dabego naga sela tueibao.

1 Samuel 2:32

Tama dage dwai noma siyu, tama eno te wiegi yai nai dabe te gasa Israel dabebolo mobaso, pesa yaibao, tama dagego me sogobeo. Tama tigidali sogo nosali te nage hani bidi deli te monu dabe pedelama, me bidigobeo. Mu menio.

1 Samuel 2:34

Tama nosali nago ogwa si, Hopni me Finias, te augwali si te deli sogo bubugade naga isaibao,” wali. “Tama augwali si isibo sogode nago koneaibao, eno te wali po tigidali mu po da homu yaibao.

1 Samuel 22:18

Tama tialima, Solgo te Doekbolo weyu, “Nage pelama, augwali ela mugi pao,” wali. Tialima, Doek pelama, te pris dabe tigidali ela muani. Te side agai te Genuai Bidigo pris bidi dabe te bidi sese me si me si olama, a naga, te 85 bidi elali, te bidi dabe augwali te prisgo gudubo ugwa mumainu nigilali bidi dabe dao.