1 Samuel 2:24 - Godigo dwagi yai po buku

²⁴ Te dage si eno wai, tama dage sigo te tebo kolesaga tagaliąo. Te Genuai Bidigo hani bagego te dage sigo ebo kolesaga po mimi bilibao, tama te dwai sę mu dao.

1 Samuel 2:24 Referans Kwoze

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Jongo Sela Sogo Wabo Asęani Pas - 3JN 1:12

Te bidi Demitrius, agade tigidali we bidi augwaligo aga nogi ugwaba sabo po weyu, “Te aga dwagi yai bidi dao,” te po wabo dao. Tama aga homu mu eyu doloba pai kolesaga ebo te Godigo mu po dolo si dao. Tama da me dago aga dwagi yai bidi dao po weyu, aga nogi ugwaba sobao. Tama nago koneai, dago po te mu po dao.

2 Pita 2:18

We bidi meba augwali te Godigo po odisąwai bage tomode bidai digi, tama tamadi tama augwaligo te kolesaga ebo tagalali. Tama te we bidi dabebolo te tibo po ola mabo bage augwaligo te genuai po weyu, tama augwaligo te dwai kolesagade te po dwai dabe wabo dao. Augwaligo te homu begelai we bidi te homu hodolobo kolesaga eyu, te penani me te tigigo haniani dwai kolesagago augwali te dwai kolesagaba ma kekebo sę eyu tama augwali te kolesaga wali pabo dao.

2 Timoti 3:7

Te bidigo wiegi yai nogi te Godigo po odisąwani bidi dabe augwali tomode elalubo bidi, te aga naga te tonalubo bidi sę ebo usu yaibao. Te aga nogi wiegi yai me elalusiąwani da, teda aga dwai sę eyu, tama aga hale elama, tama te Satango hagani togobo wago te aga saibao.

2 Korin 6:8

Tama bidi mebago dago nogi ugwaba sabo dao, tama bidi mebago da nogi aiyaba elaluyu ebo dao. Mebago posobo po dwai dabolo wabo, tama mebago gasa bidi dabe augwalibolo te dago wiegi yai kolesaga ebo po pusubo dao. Boi bidi dabe augwaligo da tibo po weyu, te we bidi dwai sę tomoba kegebo bidi da homu ebo dao, tiali goli menio, dago mu po naga wabo dao.

Godigo Sęba Tagala Palai Bidigo Po 6:3

Tama tibaso, abagi dede, dagego bidi nogo a olama, me badu nogo si sao. Augwaligo te nai dobabo sę tonalumainao. Augwali Godigo Dwagi Yai Mobo Bidi augwalide bidibo bidi, dwagi yai kolesaga ebo bidi, te tobage bidi sao, te nai dobabo sę emainu yao.

Matyu 18:7

“Magi baso meni. Te tǫde bidi dabe augwaligo te bidi meba te dwai sę ebo kolesaga tomoba kegelama, te bidi meba tulalubo dao. Te augwali kegali bidi dabego moni dene mu saibao. Mu dao, te tobage haniani dwai kolesaga pedalaibao. Tiali goli te dwai sę ebo kolesaga tomoba gasa bidi kegebo bage, augwalide hobede mu yao, augwaligo moni dene mu saibao.

Malakai 2:8

“Tiali goli dage pris dabego eno doloba pai sunumi tagalalio. Dagego te haniani skul wabogo te we bidi hauwa kekelama, te augwaligo dolo meni isąwai tobage kolesaga ebao. Mu tama, eno dage te Livai dabe dali dąų wali po te dagego bolali dao.

Te Israel me Juda Hani Sigo Tuni Bidigo Po Elalubo Buku Si 10:31

Tama me te Jehugo te Israel bidi dabego Genuai Bidi Godigo te tigidali bomai po te agai bugagia bomo elama, wali pabe. Menio. Agai te king Jeroboamgo yali kolesagadu wali pali, te kingo te polobadu agai te Israel hani augwali kegelama, te augwaligo te dwai sęgę ebo kolesaga yai.

Te Israel me Juda Hani Sigo Tuni Bidigo Po Elalubo Buku Deli 15:30

Te king Jeroboamgo hanide yali sęgę te page e tama tiwai da, te king bidi Jeroboam aga digi te polobadu te Genuai Bidi Godigo gedude yali sęgęde dao, Israel bidi dabego Genuai Bidi, tama me te agai te Israel hani we bidi dabe kegelama, te augwaligo sęgę sali bage. Augwaligo te tama yali sęgęde te Genuai Bidi haliga sębę genuai mu ilali, tama teyu, te Genuai Bidigo te king Jeroboamgo hani tigidali dola silali.

1 Samuel 2:22

Te sogo te Eli monu dabe mu yai bidali. Tama hauwa sogo Eligo odali, te aga ogwa sigo dwai sę tigidali te Israel dabe dali ebo po wai. Tama me agai te tiwai po odali, augwali sigo te Godigo ugwa be sunumi tonalu sę ebo we dabe dali pibo po wai.

1 Samuel 2:17

Te Eligo ogwa sigo te tiwai dwai kolesaga dabe te we bidi dabego te Genuai Bidiba ofa yainu sesali nai dabede tama tiai, tama Genuai Bidigo suali, augwali sigo sęgę te dwai nai mu gagawai yai.

Ma Dobola Sali 32:21

Tama agai Aronbolo te po hanalu wai, “Te e we bidi augwaligo magi sę nagebolo ebaso, tama nago augwaligo te dwai kolesaga mu emainogo sula tagalaliwe?”

1 Samuel 2:23

Tama agai te po augwali sibolo wai, “Magi baso dage sigo te tobage dwai kolesaga ebo dawe? Tigidali we bidigo te dage sigo ebo kolesaga po te enabolo wagasobao.

Te Israel me Juda Hani Sigo Tuni Bidigo Po Elalubo Buku Deli 15:26

Tama agai te aga ayago yali dwai kolesaga tiwaidu wali pali. Aga digi aga sęgę sabo dwai kolesaga te Genuai Bidigo gedude yali, tama teyu, agai te Israel hani we bidi dabe me agai kegelama, sęgę sali.