1 Samuel 2:19 - Godigo dwagi yai po buku

¹⁹ Te tigidali kibu bede te aga idago te aga bulubo ugwa me deli nigiyu yai. Tama te tigidali kibu bede te aga ida de aya sigo te ofa yagasu asobo sogo, te idago te holobo ugwa sela aselama, te Samuelbolo magasu yai dao.

1 Samuel 2:19 Referans Kwoze

1 Samuel 1:3

Te tigidali kibu be te deli sogo naga te Elkana te aga bidibo hanu tagalama, tama te Silo buluba pelama, te Tigidali Bomo Elalubo Genuai Bidibolo te lotu po wainu, te ofa dabe igi pali. Hopni dali Finias si, te Eligo ogwa si, te Genuai Bidiba pris sę ebo bidi si te bulude bidali.

1 Samuel 1:21

Te tudi badu nosali, Elkana aga we wai puluba dali te Siloba ma pelama, te augwa Genuai Bidiba te tigidali kibu bede te ofa igi pabo tiwai ma igi pali, tama me te agai dąų walali bomai po me deli te usu nainogo homu yai.

Ma Dobola Sali 23:14

“Tama deli deli kibu bede sela sogo dagego genuai lotu enaba wabo bodolu muao.

Ma Dobola Sali 28:31

“Te bobage ugwa te name ugwa dali kęnama, te dagego sisi hobi augwaligo te sipsip nisigo nigai naga selama, te ugwa nigao.