1 Samuel 2:18 - Godigo dwagi yai po buku

¹⁸ Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

1 Samuel 2:18 Referans Kwoze

1 Samuel 3:1

Te gesi ogwa bidi Samuelgo te Genuai Bidigo sę ebadi, te Eligo aga tonaluali. Te kibu be hauwa bidai madi, tama Genuai Bidigo te Israel dabebolo po hauwa sogo me wasiąwai. Te deli deli sogo naga te aga augwaliba te nade pedalubo tiwai elama, te augwaliba po magasali.

Ma Dobola Sali 28:4

Tama augwalibolo olama, te Arongo hagawiade muabo dwasianu ugwa dage deli au ilama, hobolao po wao. Tama augwaligo au yai ugwa me deli hobolobadi, me bobage ugwa deli badi, me te au ilai holobo ugwa, me tobolude bagulabo ugwa badi, me kukulu deli tama hobolao. Augwaligo te tedali gasagi yai ugwa dabe te Aron pris dali, te aga ogwa dabe, augwaligo me te ena tiwai pris sę emainogo yabo ugwa dabe nigao.

1 Samuel 2:11

Hanago te tama gedu haluasa po olama, tama aga ma pali. Tiali goli, te gesi ogwa bidi Samuel te Silo bulude bidama, tama te Genuai Bidigo sę yali, tama te pris Eligo aga tonalubadi te sę yai.

2 Samuel 6:14

Devitgo te prisgo bebo ugwa me deli gudali, te augwa sawi yai name ugwago nigai. Tama aga tęąbi eyu, tama sasa mano pali, te Genuai Bidigo nogi ugwaba siyu tiai dao.

1 Samuel 22:18

Tama tialima, Solgo te Doekbolo weyu, “Nage pelama, augwali ela mugi pao,” wali. Tialima, Doek pelama, te pris dabe tigidali ela muani. Te side agai te Genuai Bidigo pris bidi dabe te bidi sese me si me si olama, a naga, te 85 bidi elali, te bidi dabe augwali te prisgo gudubo ugwa mumainu nigilali bidi dabe dao.

Tuni Bidi Dabego Po Elalubo Buku Deli 15:27

Devitgo te bobobage aiyaba tagalalubo ugwa augwaligo te gasa sawi yai nami ugwago nigai ugwa au yalio. Te Dąų Wali Bomai Po Munalubo Halobage tolobo pris dabe me te musik wabo prisgo me, te Kenaia, te sę tonalubo bidi, tigidaligo te Devitgo gudali ugwa au yali tiwai tobage au naga yalio. Te bobage ugwa daide ugwadu, Devitgo te prisgo gudubo nami ugwa me deli te muani, te augwa gasa sawi yai nami ugwago nigai dao.

1 Samuel 2:28

Tama dage te Israel hani tigidali tomode, eno te Arongo hani deli selama, tama augwali eno pris bidi hani nigilali. Tama augwaligo te altade te denami ilibo pauda hano ilibo sę emainu yali, tama ena pąba asobo sogo te prisgo gudubo ugwa gudama, asu yao wali. Tama eno po weyu, augwa te Israel dabego te ofa yainu altaba selasa asobo nai dage te augwa tuao po wai dao.

Pris Sę Ebo Bomai Po 8:7

Tama agai te holobo ugwa Aronba bolo gudulali. Tama agai te bobage name ugwa te Aron tabidu belali. Tama Mosesgo bobage aiyaba tagalalubo ugwa te genuai name ugwa Aronba gudulama, te welia kukulu au yai selama, te genuai ugwago te Aron tabidu soani kekalio.

1 Samuel 14:3

Pris Ahiya te prisgo bebo ugwa gudama, te augwali dali bidai. Ahiya te Ahitupgo ogwa. Tama Ahitup te Ikabotgo ama, te Finiasgo ogwa si. Tama Finias te Eligo ogwa dao, te Genuai Bidigo pris polobadu te pris bidi te Silo bulude bidai. Tialima, Jonatan pai, tiali goli, te Solgo ami bidi dabego te Jonatan pali konebeo.