1 Samuel 2:14 - Godigo dwagi yai po buku

¹⁴ Tama te sę ebo bidigo te sene tomoba age yai sipun pok enama, tama mena tiwai kibu mi dage tede pusulasa holobaso da, teda agai te mi te pris si pageba selasa pali. Augwaligo te tobage dwai kolesaga te tigidali Israel we bidi dabe dali yali, te augwaligo ofa te Siloba igi pabo sogo tiali.

1 Samuel 2:14 Referans Kwoze

Aisaia 56:11

Augwali te nai hauwa tuabo homu ebo yowi tiwai bidali, te dwasianu pągąsiąbo ąǫ yai. Augwali te sipsip tonalubo bidigo aga sę ebo konesiąbo tiwai yali. Deli deligo te augwa homu wali pelama, te aga tau sabo nai naga homu koneai dao.

1 Samuel 2:29

Tama tiali, te magi baso te dagego te ofa dabe eno te Israel dabebolo yao wali sę te magi baso dolobawe? Te nago ogwa sigo te tigidali ofa ebo nai wiegi yai te eno hani bidi dabego enabolo magasobo nai, te augwali sigo tulama, tama augwali si tigi nisalio. Tama nago augwali sigo te tama temainu yali. Tama te kolesagago nago te augwali si nogi ugwaba siyu, tama eno nogi aiyaba elalubao. Magi baso nago te kolesaga ebo dawe?

Pris Sę Ebo Bomai Po 7:34

Genuai Bidigo digi te kibu bau me dolo sągą dage Israel we bidide selama, tama te kibu pedai dage si te pris dabeba mawai, te augwali Arongo hani dabe dao. Tama tialima, sesemane sogo nosali te pris dabego te ofa ebo nai pedai dage somainogo yao.

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

1 Samuel 2:13

Tama augwali sigo te ofa ebo nai dage te pris dabego sela tumainu ebo, te bomai po wali me pabeo. Menio, te bidi me deligo te ofa ebo nai ulubo sę idubadi, teda te pris bidi sigo te augwa si sę ebo bidi tagala palama, te ulubo nai mi sagasai. Teda te ofa nai ula mabo sę bidigo te sipun ną age sela yai tego pusula selama, sela asiyu yai.

1 Samuel 2:15

Tama me sogo te prisgo sę ebo bidigo te ofa yabo kibu ili sela sąsiama, te siaba ulusiąbadi, te bidi asai. Tama agai te ofa ebo bidibolo te po wai, “Te prisgo kibu mi meba enabolo mao, wai. Aga te siade ulainu, magi baso meni, agai dagego te sospen senede ulubo mi tubo te aga hagela homu ebo, wali. Dage aga te disąwai gesi mi mao, wai dao,” te po wai.

Maika 3:3

tama dagego te tigidali tualio. Te dagego augwaligo tigi wali sela sąbo tiwai eyu, te augwaligo dili togobo tiwai elama, tama dagego te augwali mi te hwą gego todogolama, te sene sospende bubo tiwai yalio.