1 Samuel 19:5 - Godigo dwagi yai po buku

⁵ Te agai Goliat elali sogo, te aga isabo me, te aga bugagia bidabo, te me agai tǫba eyu godolo me ebeo. Tama tialima, te Devitgo nogode, Genuai Bidigo da Israel tau sabo te geninama mu elalu, tama te boi bidi aiyaba mu elalualio. Tama naga digi sulama, tama nage wiegi yai homu pemene mu yai. Agai te dwai sę me eyu, tama magi nai me delide dwai sę yali me elalubeo. Tama tialima, magi baso nago aga olo dali ela muainu ebawe? Te nago tama tiyu da, teda nago dwai sę yali elalueibao,” te po wali.

1 Samuel 19:5 Referans Kwoze

Tuni Bidi Dabego Po Elalubo Buku Deli 11:14

tama Devit de Eleasar augwali si te gi tomode dolaluali, tama te Filistia dabe dali hwįbo bomo yali, augwaligo te tǫ sidali weyu yali. Tama augwali sigo te Filistia dabe ela muanio. Te kolesaga yalide Genuai Bidigo te Filistia dabe aiyaba mu elaluama, tama te Israel dabe augwali bugagia bidai dao.

1 Samuel 11:13

Tiali goli, Solgo augwaligo po wabo odama, tama agai te po wali, “Menio. Dago abagi deli me ela mugobeo, te sogode naga Genuai Bidigo da Israel dabe te boi bidi dabego nogode ma dobola sai dao,” wali.

Matyu 27:4

Tama agai augwalibolo te po wai, “Eno dwai sę elama, sęgę salio. Eno te magi dwai sę me isąwai bidi te boi bidi dabego nogoba manigo, tama aga isaibao,” wali. Tiali goli augwaligo te po wai, “Te dago sę menio. Te naga sę tali dao.”

1 Samuel 20:32

Tama Jonatango Solgo po wei ponoyu, te tiwai po wai, “Magi baso aga isimainu obawe? Agai magi dwai sę yaliwe?”

Te Israel Tobolu Bidi Dabe 9:17

Odiąo, te eno ayago dage tau siyu, te boi bidi dali hwįani. Aga digi te tobolu bidi nigilama, tama dage tau siyu hwįnama, tama dage te Midian dabego nogode bidibadi te ma dobola sai dao.

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Godigo Nogi Ugwaba Sabo Tęąbi Po Wabo Buku Dabe 119:109

Sesemane sogo eno ena bidibo ula tagalabo sisi elalubao. Tiali goli, eno nago bomai po homu kone ebo me tagalobeo.

1 Samuel 28:21

Tialima, te we te Solba pelama, tama aga te wi dwai mu ebo suali. Tama te wego Solba te tiwai po wali, “Genuai bidi, odao. Eno nago po wali pali. Ena te augwaligo ela muaiba homu me ebeo. Menio. Eno nago po odama, te sę yalio.

Filipai 2:30

Magi baso meni. Kraisgo sę tobade aga pąde tama isai digi dao. Agai homugo aga bidabo homu yai menio. Dage digibulu bidiyu, tama duga digi ena tau sabo usu sąbaso, agai ena tau sabo homu elama, tama Kraisgo sę ebadi pąde isai digi dao.

Dwagi Yai Gesi Po Jongo Asęani 15:25

Tama polobadu God agai po obaso, te bidi mego te po bukude asęani, augwaligo bomo yai po bukude. Tama augwaligo megi ebo boi bidi homu ebo sęde, augwaligo te po wali peyu, te po usu nuyu nai gilama walobao. Te polobadu asęani po e dao, ‘Augwaligo olo dali ena dali boi bidi yabo homu yai dao,’ te po wali,” Jisasgo te po wai.

Matyu 27:24

Tama megi da Pailatgo koneani, agai po usu ebeo. Menio. Tama wąbi genuai hwįainogo yai. Tama agai augwali ola momainogo agai wę te poude meba selama, tama aga nogo te we bidigo gedude wę telawai. Tama nogo wę teladubadi agai te po wai, “Te e bidi elibo da, te eno sęgę menio. Te duga sę naga dao.”

Jeremaia 26:15

Tialima, eno homu dagego te tiwai konemainogo ebao. Mu tamao, Genuai Bidigo digi ena tagala palobaso, te ena aselama, te eno pusali po dageba pusagasalio. Tama te ena dagego ela mubaso da, dagede te magi dwai sę deli me isąwai bidi odolali elali, te sęgę elalueibao. Tama te dwai sę yali te taunde elalu, te tigidali taun we bidi dabede te sęgę elalueibao,” Jeremaiago te po wai.

Godigo Nogi Ugwaba Sabo Tęąbi Po Wabo Buku Dabe 69:4

Te enaba odolali boi bidi ebo bidi dabe, augwali te hauwa umabo mu dao, te eno tobolu nisigo namba te augwalide usu isąwai. Te boi bidi dabego enaba dwai sę yainu yali, tama augwaligo te ebo kolesaga pagede tibo po wali. Te bidi dabego bomo mu elama, te ena ela muabo homu yali. Eno te augwaligo nai doado bage me deli te eno wi me sabe, tiali goli augwaligo te po hauwa enaba kisilama wali. Tama tialima, eno ena doado bage digi te augwaliba mawai.

1 Samuel 14:45

Tiali goli, te we bidi dabego te po Solbolo wai, “Odiąo. Jonatango da Israel dabe tau selama, tama agai te genuai wąbi hwįagasali bage te augwali aiyaba elaluai. Te aga elimainu obawe? Mu menio! Dago te sesemane sogo bidada pabo Genuai Bidigo nogide mu po obao, nago dwai sę me deli agaba munu me elamuo. Magi baso meni, Godigo e sogo side aga tau selama, tama agai te sę yai,” wali. Tama tibaso, te we bidigo te Jonatan ma dobola sali, tama Solgo aga me ela mubeo.

Te Israel Tobolu Bidi Dabe 12:3

Te sogo dagego ena tau sabo homu ąǫ isąbaso, teda eno te tiwai homu eyu te ‘Tagala,’ homu yali, ‘te ena isimainu yaibao,’ wali, ‘tiali goli eno te Amon dabe dali hwįgi paibao,’ wali. Tama eno te wę nogelama, te boi hwįani. Tama Genuai Bidigo ena tau selama te hani bidi aiyaba elaluai. Magi baso megi dagego ena dali hwįainu ebawe?” Jeptago te po wali.

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Godigo Nogi Ugwaba Sabo Tęąbi Po Wabo Buku Dabe 25:3

Awe, nageba te konealubo homu ąų wabo bidi dabe, te augwaligo konealubo odolali dąų omainu elama, tama me tagaliyu me egobeo. Menio. Te nageba hagoma polo ebo bidi dabe, augwali naga te dwai dene somainu elama, tama augwa yali kolesagade hale yaibao.

1 Samuel 19:6

Solgo Jonatango te wali po odama, teda tialima agai bomai po me dąų walu, te po wai, “Eno mu po te Sesemane Sogo Bidibo Genuai Bidigo nogide obao, eno Devit munu me ela mugobeo,” wali.

1 Samuel 22:14

Tama Ahimelekgo po wei ponoyu, te tama po wali, “Mu menio. Devit te wiegi yai ofisa mu tama nage wali mu peyu yali. Te mena ofisa me deligo aga aiyaba elalubeo. Tama aga te nago wąį da, tama nage pąde te nage bugagia tonalu ebo ami bidi hani me deli dao. Tama nago bede bidibo bidi tigidali, augwaligo te agai wiegi yai kolesaga homu kone palama, tama genuai nogi agaba mabo dao.

2 Samuel 23:10

Eleasar aga deli naga te bomo elama dolalu, tama te Filistia dabe ela mubo sę yalio. Tama aga nogo tobalu elama, tama aga nogo te ge hwą poude holalu tolalubo tagalobeo. Te sogo Genuai Bidigo te Filistia dabe aiyaba mu elalualio. Tama nosali, te Israel dabe te Eleasarba ma begasa asali, tiali aga te Filistia dabe ela muani augwaligo suali. Tama sę me deli naga elaluali. Te isali Filistia bidi dabego hwįani doado bage sabo sę elaluali.

Godigo Nogi Ugwaba Sabo Tęąbi Po Wabo Buku Dabe 94:21

Augwaligo dwagi yai sę ebo bidi dwai sęgo aga dolainogo sisinama, po mibo dao, tama augwaligo dwai sę isąwai bidi dabe dali po tų ebo dao, augwali elainogo tiwai.

Tuni Bidi Dabego Po Elalubo Buku Deli 11:18

Te bomai ami bidi selago te po odama, te augwali hogodama palio. Te Filistia dabego te Betlehem taun tomoba pabo sunumi tonalubadi goli, tagalao, te ami selago augwali sela sąnama peyu, Devitgo te po wali ulu ąį tugi palio. Tama augwaligo sela asama, Devit magasali. Tiali goli, aga te wę tuainu yali te aga hagela ebaso tubeo. Menio. Agai te selama, te Genuai Bidiba ofa tiwai eyu gelalio.

Godigo Nogi Ugwaba Sabo Tęąbi Po Wabo Buku Dabe 109:5

Eno wiegi yai kolesaga augwaliba yali, tiali goli, augwaligo dwai kolesaga enaba wei ponani. Eno augwali wei mu yali, tiali goli, augwaligo ena wei homu meni yai.