1 Samuel 19:2 - Godigo dwagi yai po buku

² tama tibaso aga pelama, Devit sugi pelama, agabolo te po wai, “Eno ayago nage ela muainu ebao. Tama teyu, do kigamu nago naga digi te bugagia tonaluao. Nage te giba pelama, geme duala sigi pao.

1 Samuel 19:2 Referans Kwoze

Bugagia Bidibo Kolesagade Po Asęai Buku 17:17

Te wiegi yai abagi dabego te da sesemane sogo wei homu yaibao. Mu tama, te ama dabego te da ama dabego te da sęgę ebo sogo tau sainu tonalubo dao.

Godigo Sęba Tagala Palai Bidigo Po 9:24

Tialima, augwaligo aga elaibao wabo po bidi me deligo agabolo pusali. Tama Damaskus tomoba iliama, u badu moni masigi obo elaluali. Sol wi dią pidali weyu, tama pio me, kigamu me, hulide me, te tųba Sol elai hagede, nǫ muagasai.

Godigo Sęba Tagala Palai Bidigo Po 23:16

Te bidi Pol aga abego ogwa, te gesi bidigo te Pol nǫ mugi pelama elabo po mibo odali. Tama tibaso, aga pelama, ami bidi dabego bomai beba Polbolo te po wagi pali.

Godigo Nogi Ugwaba Sabo Tęąbi Po Wabo Buku Dabe 16:3

Augwaligo konealubo homu Godiba naga dąų wali we bidi, augwali e tǫde bididubadi, augwali te tedali gasagi yai we bidi hani dao. Eno dwagi yai homu mu elama, augwali dali bidaio homu ebo dao.

1 Samuel 20:2

Tialima, Jonatango Devitba po wei ponoyu, te po wali, “Menio. Nage me isigobeo. Eno ayago enabolo te agai yabo sę po tigidali waibao, te dwasianu sę yabo me, genuai sę me, te enabolo weyu yaibao. Tama agai te tobage sę yabo po geme me dualugobeo. Tama tiyu, eno koneani, te agai nage me ela muainu ebo usu me egobeo,” wali.

1 Samuel 19:1

Te Solgo te Devit ela muabo homu elama, tama agai te po aga ogwa Jonatanbolo walali, tama aga ofisa dabebolo me wali. Tiali goli, Jonatango te Devit godolo homu mu yai,

1 Samuel 19:3

Tialima, te aya da si te pedai te pą badu te nage geme dualalubo badu soyu, tama ena te aya dali dolalu, te nagede po miaibao. Tama agai magi sę nage dali yainu ebo te eno gegelama subaso da, teda eno nagebolo waibao,” wali.

1 Samuel 20:5

Tialima, Devitgo te tama po agabolo wali, “Do da, te gesi poluago te genuai side tama eno te king dali nai tugi pabo da. Tiali goli, nago homugo te wiegi yai da eyu da, teda ena te giba geme duala sigi pelama, te gasa do da wabo sogo te be pio eboba usu naibao.