1 Samuel 19:18 - Godigo dwagi yai po buku

¹⁸ Te Devit wi pali sogo, aga pelama, Samuel te Rama taunba sugi pali. Tama Devitgo agabolo te Solgo te tigidali sę yali po pusali. Nosali Devit dali Samuel si te Naiotba pelama, bidigi pai.

1 Samuel 19:18 Referans Kwoze

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.

Godigo Nogi Ugwaba Sabo Tęąbi Po Wabo Buku Dabe 116:11

Tama ena wi eyu, eno te po wabo sogo, “Eno konealubo homu te mena bidi me deliba me mugobeo,” te sogo me eno konealubo homu te Godiba muanio.

1 Samuel 28:3

Polobadu te Samuel isibaso, tama tigidali Israel te agade gela olama, tama augwaligo aga te Ramade pubulali, te aga taunde digi. Tama te sogo Solgo te tigidali bidi me we te isali bidi dabe noma bidi dali po mibo we bidi augwali ela gudulali. Tama agai te bidi dabe te Israelde bidimainu me ebeo.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

1 Samuel 19:19

Tama bidi mebago Solba te tama tiwai po wai, “Devit te Naiot bulude bidibao, te taun Rama pąde dao,” wali.

1 Samuel 19:22

Tama nosali Sol digi aga te Ramaba pali, tama pidubadi genama, te genuai ulu wę pedalubo madi te bulu Sekuba sabolali. Tialima, agai te Seku bidi dabeba hanalu wali, “Samuel me Devit menade bidibowe?” Tama augwaligo te po wali, “Augwali si te Rama pąde, te Naiot bulude bidibao,” wali.

1 Samuel 19:23

Tialima, aga te sunumidu pidubadi, tama Godigo Mobo agaba bomo elama pedaliyu, tama aga me te tęąbi eyu, tama te sunumidu sasa mano peyu, aga te Naiot buluba sabolalio.

1 Samuel 1:19

Tialima, Elkana aga we wai puluba dali te Silo bulude tede hulide pilama, tama kigamu mu augwali hogodama, tama Genuai Bidiba lotu po wali. Augwa te lotu po ola silama, tialima te augwali te augwa bulu te Rama teba ma pai. Nosali Genuai Bidigo te Hanago gedu haluasa po wali te homu kone palama, tama te Hanago hanalu wali po tiwai gilama te wali palio.

1 Samuel 20:1

Sol te bulu Naiotba sabalubo si, te Devitgo te bulu taga soyu, tama Jonatan bidibo madi wi ma soali. Tama agai Jonatanbolo te tiwai po wali, “Ei, Jonatan! Magi baso nago ayago ena ela muainu ebawe? Eno magi dwai sę me deli isiąyu, ma dwai kolesaga me deli agaba me ebeo. Mu tama, eno magi dwai sę me deli me ebeo,” wali.

1 Samuel 21:11

Tama te king Akisgo ofisa bidi dabego te kingbolo te tiwai po wali, “Te bidi te Devit tama da, te aga tǫ pedaide king bidi da. Te we dabego agade tęąbi po te tiwai wali, ‘Solgo te umabo hauwa tausen bidi elai. Tama Devitgo te umabo tausen tausen bidi elalio,’ augwaligo agade te po wai,” te ofisa dabego te po te king Akisbolo wali.