1 Samuel 19:13 - Godigo dwagi yai po buku

¹³ Devit pai madi, teda Mikalgo te agai tibo god me deli augwaligo te nigo nigai selama, tama te god te Devitgo betba pilali. Tama agai te dwasianu tobolo ni pilo me deli augwa te meme nisigo nigai te selama, tama te tibo godigo tobolu dologo badu muani. Tama nosali agai te tibo god te bobage ugwa pedai me deligo halualio.

1 Samuel 19:13 Referans Kwoze

Tigidali Nai Gagalama Nigali Side 31:19

Te augwali pisiąbadi, tama Laban te sipsip dabe nisi togogi peyu, digibulu gana pai digi, tama Reselgo te aga ayago be tonalubo tibo god te bede wi salio.

Te Israel Tobolu Bidi Dabe 18:17

Te bulu sa geme pelama sugi pali te a naga bidi dabe augwali te be tomoba pelama, te tibo god dabe sigi pali. Tama te pris te 600 ami bidi dabe dali te hanuba pabo sunumide bidali.

Te Israel Tobolu Bidi Dabe 18:14

Tama te a naga bidi te Lais dabego hanu tǫba sa pelama suali bidi dabego te augwa deli hanibolo te tiwai po wali, “Te badu te be me delide te tibo god me deli augwaligo te nigo nigilama, tama augwaligo te silvago haluama elaluali. Dagego te koneaniwe, ma meniwe? Tama te tibo god meba u mabo elalu, te pris dabego holobo ugwa me elalubao. Megi da te dago magi yaibawe?” te a naga bidi dabego te po wai.

Hosea 3:4

Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Te Israel Tobolu Bidi Dabe 17:5

Te bidi Maika, agai dwasianu lotu be elaluali. Tama agai te pris bidi gudubo ugwa me te tibo god te lotu beba muani. Tialima, augwaligo teba lotu weyu, te aga ogwa digi me deli te pris bidi pedalumainu ilali.

1 Samuel 19:16

Tialima, augwali geasa ma pelama, tama be tomoba pelama, tama augwaligo te tibo god betde te pilo tobolo ni tobolu dologode aiyadu munama pila mubo te suali.