1 Samuel 18:9 - Godigo dwagi yai po buku

⁹ Tama tiyu, te sogode gagalasa, Solgo homu tede kone palama, tama tiyu Devitba haliga dwai yalio.

1 Samuel 18:9 Referans Kwoze

Efesus 4:27

Dagego tisiąwani da, te sębę me elalubadi, tea te dwai haubo noma bidi dabe augwaligo tobolu bidi tebolo te dagego sunumi dalaibao, agai dage dwai sę tomoba kegaibao.

Dwagi Yai Gesi Po Makgo Asęani 7:22

te we sabo dolobo kolesaga me, te mena nai sainu homu hogodama pesa dalobo kolesaga me, te haniani dwai dwai kolesaga me, te tibo po weyu te hagoma ebo kolesaga, me te bidi nogi posobo po wabo kolesaga ebo, me te hagoma homu elama te esela pabo bidigo kolesaga tiwai eyu ebo dao.

Matyu 20:15

Te mone te eno sę ebo nai dao. Ma, eno te ena monede digi te tiwai homu egobewe? Eno wiegi yai kolesaga aga dali ebaso, nago homu dwai ebawe?’ gi page bidigo te po wali,” Jisasgo te po wai.

Tigidali Nai Gagalama Nigali Side 31:2

Tama Jekopgo suali, Labango kolesaga hasegelama, tama Labango aga te polobadu godolo yai gilama tiwai me ebeo.

Jems 5:9

Eno ama dedeo, te po tų ebo bidi Jisasgo dagebolo dwai dene wei ponoidali weyu, duga hasi te gasa ama dabe dali wado po weyu, augwali dali te posobo po olamu dao. Dagego e po odao. Te po tų ebo bidi Jisas te be tų bulu badu dolagasai elalubao.

1 Samuel 18:8

Solgo te tęąbi odama, tama agai homugo godolo mu meni yai. Tama aga haliga sębę elama, te po wai, “Augwaligo homugo te Devitgo te umabo tausen hauwa bidi elali homu yali, tama eno umabo tausen naga elali homu ebao. Te nosali augwaligo homugo te agai eno bidibo sę ebo pesage me saibao homu ebao,” wali.

1 Samuel 18:10

Te nosali side Genuai Bidigo te dwai mobo haubo me deli te Sol aga bede bidibadi te agaba tagala palali. Tama deli sogo polo tama, te dwai mobo haubogo te Solgo homu kolesaga tonaluagaselama, tama Solgo te i ola biliyu, te esela pabo bidi mu tiwai ilali. Te sogo Devitgo te agai gita elibo sę iduali, te aga tigidali sogo ebo tiwai gilama yali. Tama Solgo aga sesemone ene tolalu,

1 Samuel 19:1

Te Solgo te Devit ela muabo homu elama, tama agai te po aga ogwa Jonatanbolo walali, tama aga ofisa dabebolo me wali. Tiali goli, Jonatango te Devit godolo homu mu yai,

Bugagia Bidibo Kolesagade Po Asęai Buku 27:4

Te haliga sębę elama, te wado po wabo bidigo te gasa bidi dabeba odolali te dene mayu, tama augwaliba dwai sę mu ilibo dao. Tiali goli, te mena nai sabo homu eyu, tama te gasa bidiba dwai haliga ebo, te dwai mu elama, tama te haliga sębę me wado po wabo kolesaga aiyaba elalubo dao.

Kolesaga Koneai Bidigo Pusali Po Elalubo Buku 4:4

Tama me eno gasa kolesaga sualio. Te bidi dabe augwali sę dene mu elama, te tobage wiegi yai nai dabe nigibao. Tialima, te page e tiwai elalubao. Augwaligo homude te augwa abagi dabego genuai nogi elalu, te nai hauwa elaluba homu yali. Tama tibaso, augwaligo me te sę dene hauwa eyu, te abagi dabe augwali genuai nogi elalubo tiwai augwali me bidabo homu yali. Te wabo pabo homu kolesaga tiwai mu ebao, te bidigo wali nogogo tola sainu udabo tiwai gilama ebo dao.