1 Samuel 18:8 - Godigo dwagi yai po buku

⁸ Solgo te tęąbi odama, tama agai homugo godolo mu meni yai. Tama aga haliga sębę elama, te po wai, “Augwaligo homugo te Devitgo te umabo tausen hauwa bidi elali homu yali, tama eno umabo tausen naga elali homu ebao. Te nosali augwaligo homugo te agai eno bidibo sę ebo pesage me saibao homu ebao,” wali.

1 Samuel 18:8 Referans Kwoze

1 Samuel 15:28

Tama Samuelgo te tebo sulama, tama Solbolo te tiwai po wali, “Te usu da, odao. Megi te Genuai Bidigo te king sę nagede elaluali te sela sąwani, tama nago te Israel dabe munu me tonalugobeo, te nago megi te ugwa pisila sąwani tiwai gilama ebao. Tama agai te gasa Israel bidi me deliba mawaibao. Aga te wiegi yai bidi te nage aiyaba elaluai dao.

Bugagia Bidibo Kolesagade Po Asęai Buku 13:10

Te hagoma kolesagago te wado po me hwįbo po pedalubo sę ebo dao. Tiali goli, te bidi aga te gasa bidigo agaba te wiegi yai homu momainu ebo bidi da, teda te bidigo homugo koneani kolesaga te wiegi yai elalubao.

Jems 4:5

Dagego te polobadu bidali bidigo asęani pode ma kone palao, te pode geda mugio. Te asęani po e dao: “God agai aga Mobo Bidi da dali bidimainogo tagala palali. Tama tiyu, da God taga peyu da, te Mobo Bidi agai bomo eyu, da dali dwai homu ebo dao,” te po Godigo po bukude bidi mego asęani. Te pode dagego “Te po olo po naga dao” homu elamuo.

Esta 3:5

Hamango suali, Mordekaigo te kidu sugunama, tama agaba genuai nogi masiąbaso, tama aga haliga sębę dwai mu yalio.

1 Samuel 20:31

Magi baso meni, te bidi bidibo sogo digi, nago te tǫ pedaide king bidi me pedalugobeo. Tama tiyu, nago te bidi polo tagala palama, te aga selasa asao, te eno aga ela muaibao,” wali.

Bugagia Bidibo Kolesagade Po Asęai Buku 27:4

Te haliga sębę elama, te wado po wabo bidigo te gasa bidi dabeba odolali te dene mayu, tama augwaliba dwai sę mu ilibo dao. Tiali goli, te mena nai sabo homu eyu, tama te gasa bidiba dwai haliga ebo, te dwai mu elama, tama te haliga sębę me wado po wabo kolesaga aiyaba elalubo dao.

Kolesaga Koneai Bidigo Pusali Po Elalubo Buku 4:4

Tama me eno gasa kolesaga sualio. Te bidi dabe augwali sę dene mu elama, te tobage wiegi yai nai dabe nigibao. Tialima, te page e tiwai elalubao. Augwaligo homude te augwa abagi dabego genuai nogi elalu, te nai hauwa elaluba homu yali. Tama tibaso, augwaligo me te sę dene hauwa eyu, te abagi dabe augwali genuai nogi elalubo tiwai augwali me bidabo homu yali. Te wabo pabo homu kolesaga tiwai mu ebao, te bidigo wali nogogo tola sainu udabo tiwai gilama ebo dao.

Te Israel me Juda Hani Sigo Tuni Bidigo Po Elalubo Buku Deli 2:22

Kingo te hanalubo po odama, tama aga wado po weyu, te tiwai po wali, “Magi baso nago enaba te Abisak te Adoniyaba mao po hanalubawe? Te tiwai ebaso da, teda nago enaba dolo hanaluyu, te agai ena hasegelama, tama te king pedalumainogo ilibewe, magi baso meni, aga te eno ama genuai bidi dao. Tama nago te pris Abiatar me Joap, te Seruiago ogwa, te augwali sigo hanalu wali po me sela asobewe?” te po wai.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

1 Samuel 13:14

Tiali goli, megi da, nage te king bidibo te sesabi elama, bobage sogo me bidigobeo. Nago te Genuai Bidigo po wali me pabe, tama tibaso, agai te bidi wiegi yai me deli te Genuai Bidi homude godolo ebo kolesaga ebo bidi gegelama, tama agai te bidi te aga we bidigo king bidi nigilama bidimainu yaibao,” wali.

Israel Hanigo Namba 22:34

Tialima, Balamgo Genuai Bidigo enselbolo te po wei ponani, “Eno dwai kolesaga yalio. Eno konebeo, nago ena elainu sunumide dolalubo eno subeo. Tama tialima, megi nago ena pabo godolo isąma ebaso da, teda ena ena buluba ma geasa paibao,” wali.

Israel Hanigo Namba 11:1

Te we bidigo sęgę dabe augwali tigide pedalobaso, augwaligo konila po wabo Genuai Bidigo odali. Tama tibaso, aga sębę dwai mu elama, tama agai isi te we bidi bidibo pesageba taga palali. Tama te isigo te bidibo pesage me badu bogo badu dali.

1 Samuel 18:9

Tama tiyu, te sogode gagalasa, Solgo homu tede kone palama, tama tiyu Devitba haliga dwai yalio.

1 Samuel 19:1

Te Solgo te Devit ela muabo homu elama, tama agai te po aga ogwa Jonatanbolo walali, tama aga ofisa dabebolo me wali. Tiali goli, Jonatango te Devit godolo homu mu yai,

Tigidali Nai Gagalama Nigali Side 37:8

Te aga ama dedego agabolo te po wali, “Nago homugo te nage dago tuni bidi pedelama, tama da tonaluainogo ebawe?” Tama aga ama dede augwaligo te na yali po odama, tama augwaligo aga dali sębę mu yai.

Tigidali Nai Gagalama Nigali Side 37:11

Tama Josep aga ama dedego aga dali haliga husugu yali, tiali goli aga ayago te po tigidali aga homude munalualio.