1 Samuel 18:27 - Godigo dwagi yai po buku

²⁷ tama Devit aga ami bidi dabe dali pelama, tama te Filistia bidi 200 bidi elama, tama augwa gasa tigi wali togolama, tama te kingba selasa aselama, tama nedalio. Agai te sę dabe yali te Solgo wegi sainu tama tiali. Tama tialima, Solgo aga wegi Mikal te Devitbolo menama, tama augwa si selama bidalio.

1 Samuel 18:27 Referans Kwoze

2 Samuel 3:14

Tama nosali Devitgo te Isbosetba po ola toliyu, tama po wai, “Eno homugo te nago eno we, Mikal, te enaba ma tagala palao. Eno aga te Filistia dabe te bidi sese a naga 100 bidigo gasa tigi waligo abelali. Tama aga te eno we mu tama dao,” wali.

1 Samuel 18:13

tama agai te Devit aga dali te kingo bede bidimainu me ilibeo. Menio, agai aga te 1,000 ami bidi dabego ofisa bidimainu muani. Tama tiyu, Devitgo te ami dabe selama, te boi bidi dabe dali hwįgi peyu yalio.

Te Israel Tobolu Bidi Dabe 14:19

Tialima, te Genuai Bidigo Mobogo te Samsonba bomo mobaso, tama aga te Askelonba dulali. Agai te hanude bidali bidi te 30 bidi elibadi, tama augwaligo doado bage dabe dali sali. Tama agai te 30 ugwa te agai begelali po page pusali bidi dabe mani. Tama te sę pedelalide te aga haliga sębę mu elama, tama aga buluba ma begasa pai.

1 Samuel 14:49

Te Solgo ogwa dabe te e tiwai, Jonatan, me Isvi, me Malkisua. Tama agai wegi si nogi te e tiwai, gomunai wegi te Merap, te tomo wegi Mikal.

1 Samuel 18:17

Nosali Solgo te tama homu yai, ‘Eno homugo te Devit isimaina homu yali. Tiali goli, tiyu eno digi aga ela muidalio. Te aga te Filistia dabeba hwįgi pelama, tama te Filistia dabego aga ela mumainao,’ homu yai. Tama teyu, Solgo Devitba te po wali, “Odao. Eno nage te Merap maiabo homu ebao, te eno gomunai wegi, tama nago selama, duga si bidagameo. Eno homugo nago aga te tobage mone tiwaigo abelimainu homu yai. Nago eno ami bidi sęde bomo elama sę eyu, tama nage wi munu me elamuo. Tama te Genuai Bidigo homugo dago te boi bidi dali hwįgi pomainu ebo sogo da, teda nago te augwali dali hwįgi peyu yagameo,” wali.

1 Samuel 18:28

Megi da, Solgo te tiwai bugagia koneani, Genuai Bidi te Devit dali bidibaso, tama te Mikalgo me Devit godolo homu mu yai dao.

1 Samuel 25:44

Tama Mikal, te Solgo wegi, aga me te Devitgo we bidali. Tiali goli, Solgo aga te wegi ma oda selama, tama aga te bidi Paltielba mani, te Laisgo ogwa, te taun Galim bidi dao.

2 Samuel 3:13

Tialima, Devitgo Apnerba te tiwai po ola tolali, “Te nago po wiegi yai dao. Tiali goli, eno homugo te nago sę me deli bolo hasia ebaso da, tama eno te tobage bomai po nage dali dąų waibao. Te sę te tama tiwai. Nago te Mikal, te Solgo wegi, selama, tama aga te enaba ma odasa asao. Te nago tama tisąbaso da, teda nage eno me sugobeo,” wali.