1 Samuel 17:5 - Godigo dwagi yai po buku

⁵ Tama aga te hwįbo madi me, bulubo ugwa me, te augwaligo te brasgo nigai te muani, tama te hwįbo ugwa dabe sęgę te 50 kilogram elaluai.

1 Samuel 17:5 Referans Kwoze

1 Samuel 17:4

Te sogo te hwįbo bomai bidi me deli, augwa te Goliat nogi yali, te Get taun bidi, aga te Filistia ami dabe bidibo pesage taga soyu aselama, te pepeli diliba hania dolagaselama, tama te Israel dabego aga suali. Te aga bobage usu te 3 mita pąde tama.

1 Samuel 17:6

Tama aga sągą te bras dagego haluai. Tama agai te brasgo nigai sesemone te aga nagede tolasa bilali.

Jeremaia 46:4

“Dagego kibu hos dabe dodolao. Te dage hosde dugulama, hwįabo ami dabe, dage te duga hos dabede dugayao. Dagego duga kapago nigai madi munama, te lainde wasilama, te hwįabo sisilaluao. Te duga ene dabe dodolama, te dage deli deligo te kapa holobo ugwa gudama, bidao,” wali.

Efesus 6:17

Te Godigo dage polo ma dobola sai dao. Te homu ebo kolesaga te kapago nigai tobolu madi tiwai selama, tobolude muao. Tama dagego te Mobo Bidigo bobobage poa pai hwą ge tiwai te Godigo te bukude asęani po bugagia odama, sao.