1 Samuel 17:48 - Godigo dwagi yai po buku

⁴⁸ Devitgo po ola silama, tialima Goliat ma peyu, te Devit pąba asali, tama polo tama Devitgo te Goliat dali hwįainu udada peyu pai.

1 Samuel 17:48 Referans Kwoze

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Godigo Nogi Ugwaba Sabo Tęąbi Po Wabo Buku Dabe 27:1

Genuai Bidi God aga te eno ula page da, tama agai ena tau sabo da. Tama tiyu, te bidi me delide ena midigi me egobeo. Genuai Bidigo naga ena seselalubao, te moni bomai obo tiwai te palialubao. Tama tiyu, te magi nai me delide ena wi me egobeo.

1 Samuel 17:49

Tialima, Devitgo nogo te aga waba munama, tama masigi me deli selama, tama te masigi sąyabo naiba munama, tama Goliatba enani. Te masigigo te Goliat gesabidide dolo dolama, tama aga gebo tomoba bula sigi pelama, tama aga gesabidi tǫba ilama degasa dulali.

Godigo Nogi Ugwaba Sabo Tęąbi Po Wabo Buku Dabe 27:3

Awe, te ami hani me deligo ena bagua sagasobaso da, teda ena wi me egobeo. Te boi bidi dabego enaba hwįagasobaso da, tagalao. Eno konealubo homu Godiba munama, tama ena ibaba me kila sogobeo.