1 Samuel 17:46 - Godigo dwagi yai po buku

⁴⁶ Odao. Megi e sogode naga te Genuai Bidigo nage eno nogoba mawaibao. Tama eno nage ela munama, tama nago tobolu togwaibao. Tama dago te dage Filistia ami dabe ela munama, tama augwaligo tigi dabe te ba dabeba, me te uni hasa dabeba menama, augwaligo tueibao. Te eno tama tiwai sę ebo sogo, te tigidali tǫ pedaide bidalubo we bidi augwaligo te tiwai eyu koneaibao, te da Israel dabego God, te God mu da waibao.

1 Samuel 17:46 Referans Kwoze

Aisaia 52:10

Genuai Bidigo agai bomo hania ola mayu, te tigidali tǫ kantrigo sumainu yaibao. Dago Godigo te aga we bidi dabe ma saibao, tama te tigidali tǫde we bidigo sueibao.

Josua 4:24

Genuai Bidigo te sę yaligo da, te tigidali tǫ badu bidibo tigidali bidigo te agai bomo konemainu elama, tama dagego duga Genuai Bidi Godibolo sesemane sogo te lotu po omainogo yai dao,” Josuago te po wali.

Te Israel me Juda Hani Sigo Tuni Bidigo Po Elalubo Buku Si 19:19

God, dago Genuai Bidi, megi tama eno homugo nago da tau selama, te megi te king Senakeripgo nogode nago tama nago da ma dobola sao,” wali. “Tama tiyu, tigidali tǫde hani we bidi dabe augwaligo nage bugagia mu konemainao, nage deli mu God mu dao.” Te king Hesekiago te God dolo gedu haluasa po weyu, e tama po wai dao.

Te Israel me Juda Hani Sigo Tuni Bidigo Po Elalubo Buku Deli 8:43

teda Genuai Bidi, nage te naga bulu dagalude bidiyu, tama nago agai gedu haluasa po wabo odolama, tama nagebolo hanalu, te yao wali sę te sę nago yao. Tama tiyu, te tigidali bulu bidi hanigo te nage koneama, te nage dologode bidaibao, te da Israel dabe, te nago we bidi dabego ebo tiwai gilama yaibao. Tama te augwa koneama, eno te sę yani be, te nago be elalubaso, tama te pesageba te we bidi dabe nage pąba asomainu te tama tiao,” po wali.

Bomai Po 28:26

Dage isaibao, tama te ba dabe me bulu hasa dabe aselama, dagego tigi tuagasaibao. Tama augwali osalabo bidi mu menia saibao.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

Matyu 24:28

“Te isali hasa tigi elalubo madi, te pesageba te tigi mi tubo ba dabe augwali deliba sisinagasaibao,” Jisasgo te po wai.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.

Aisaia 37:20

Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.

Godigo Nogi Ugwaba Sabo Tęąbi Po Wabo Buku Dabe 46:10

Agai te po wai, “Dage munu ma hwįnamuo,” wali. “Dagego ena bugagia koneiąo, ena God mu dao. Ena ugwadu mu elalu, tama te tigidali tǫ pedai kantrigo we bidi hani dabe ena dologode bidibao. Te tigidali bulu pedai tǫde ena te polalubo bidi bidibo dao.”

1 Samuel 17:44

Tama agai Devitbolo te tiwai po wali, “Nage asao, te eno nage ela munama, tama nago tigi te ba dabebolo me te uni hasa dabeba me menama, tama augwaligo tumainu yaibao,” wali.

Bomai Po 7:23

Genuai Bidigo dagego duga boi bidi dabe aiyaba elaluama, dolomainogo sula tagalaibao. Tama agai augwali wi mu ilama, tama dagego augwali ma siliboba usu naibao.

Bomai Po 7:2

Te God dago Genuai Bidigo dagego augwali aiyaba elalumainogo ebo si da, teda dagego augwali ela mu silao. Dagego augwali dali abagi olama, tama augwali hobede me eyu elamuo.

Aisaia 56:9

Te Israel polalubo bidi dabego te we bidi dabe bugagia me tonalusiąbaso, te Genuai Bidigo te po wai, “Asiąo, dage boi bidi dabe. Dage te uni hasa dabe te bulu du buside bidalubo asiąo,” wai. “Dage aselama, te Israel polalubo bidi dabe dolagasao. Te polalubo bidi dabego te tǫ kantri dwai sęgo elalagasainu ebo po te we bidi dabeba wabo sę elalubao. Tiali goli, augwa sę bugagia me ebeo. Menio. Augwali te gedu widai bage tiwai te taun tauade te boi bidi asobo tonalubo tiwai bidali. Tama augwali te pedauwali pania sai yowi tiwai te nai wi sabo bidi asobode gągą wabo usu isąwai bidali. Te augwa tobolude dwasianu kolesaga me elalubeo.

Godigo Nogi Ugwaba Sabo Tęąbi Po Wabo Buku Dabe 31:8

Nago ena te boi bidi dabego kalabus emainu me ebeo. Nago ena bugagia tau siyu, tama ena te dwagi yai madigi bugagia bidibao.

Josua 10:8

Tialima, Genuai Bidigo Josuabolo te po wai, “Te boi bidi augwalide wi me igio. Eno augwali te nago nogoba manio. Te bidi me deligo dage aiyaba me elalugobeo,” wali.

1 Samuel 14:6

Tialima, Jonatan te masigi elalubo pesageba sabolama, tama aga te aga dali hodobo asali bidibolo te tiwai po wali, “Ae, da u badu pedai badu pelama, tama da te Genuai Bidigo po odisiąbo bage, te Filistia dabe bidalubo pesageba paibao. Te Genuai Bidigo da tau siyu, te dago augwali aiyaba elaluabo homu ebao. Te Genuai Bidigo te hwįabo bidi hauwa selama, te boi bidi dabe augwali aiyaba elalumainu me egobeo. Menio. Te dwasianu hani naga te usu dao,” wali.

2 Samuel 18:28

Tialima, Ahimas te pąba asiyu, tama aga te kingba i weyu, te tama po wai, “Da te bugagia bidibao.” Tama aga te kingba sabolama, tama te tobolu tǫba basigulama, tama aga te po wai, “King, nage eno genuai bidi da, dago te dena Genuai Bidi God nogi ugwaba sinao. Te augwaligo nage dali hwįnama, te nage sela sąwainu yali, tiali goli Genuai Bidigo augwali te dago nogoba munama, tama dago augwali aiyaba elalualio,” wali.

2 Samuel 21:10

Tialima, Rispa, te isali bidi sigo ida, aga te poloba badi ugwa meba selama, tama te bulu duba ugwa holali. Tama aga te sela holali badi ugwa dabego te dwasianu ugwa be tiwai gana te masigi tǫ bulude kekelama sę yani. Tama aga te bidi dabego tigi tonaludubadi, te polua meba bidali, te tulubage te tǫba ma tulubo sogo, te nogo a naga, me badu si, te tama bidigo tigi dili te tulubagego telamainu ebo sogoba usu numainu tonalualio. Rispago te bidi dabego tigi te giligade me hulide te bugagia tonaluai, tiyu te ba dabego me te bulu hasa dabego augwali tigi tuagasidali weyu, tama tiai dao.

Te Israel me Juda Hani Sigo Tuni Bidigo Po Elalubo Buku Deli 8:60

Tama tialima, te tigidali bulu tǫ pedai badu te tigidali bidi hanigo te tiwai konemainu yaibao, te Genuai Bidi deli naga te God tama, te gasa god me meni da homu emainao.

Te Israel me Juda Hani Sigo Tuni Bidigo Po Elalubo Buku Si 5:15

Tama aga dali, te aga sę ebo bidi dabe dali, augwali hodobo ma geasa peyu, te Elisa pageba sabolali. Te profet te Godigo profet bidi mu. Tama te Namango Elisabolo e tiwai po tama wali, “Mu tamao, megi eno koneanio, e tigidali bulu tǫde god me deli me bidibeo. Israel dagego God, te God deligo tigidali bulu usu elalubao. Tama tialima, Elisa, eno genuai bidi, eno homugo eno nagebolo eno puba hwi wabo nai nagebolo mawaio,” wali.

Jeremaia 34:20

Te augwali eno te boi bidi dabego nogoba munama, te boi bidi dabego augwali ela mueibao, tama te ba dabe me hasa dabego te augwaligo tigi tuagasaibao.

Tigidali Nai Gagalama Nigali Side 40:19

Te sela sogo bidali silisiąbadi, tama Fero agai nage te kalabus bedu dogoni mage togwaibao. Tama agai nage tigi te ni me deli walama, tama te ba dabego nago tigi mi tuagasaibao,” Josepgo te po wai.

Jeremaia 19:7

“‘Te Juda dabe me Jerusalemgo te haniani sę te bulu pesagede yabo homu elaluali, tiali goli eno te sunumi paliama, tama augwaligo te sę me egobeo. Te eno boi bidi dabe tagala palama, augwali ela mueibao. Tama eno te ba dabe, me hasa dabe aselama, te augwali tigi tuagasomainogo yaibao wai dao.