1 Samuel 17:45 - Godigo dwagi yai po buku

⁴⁵ Tama Devitgo po wei ponoyu, te po wai, “Nago te bainat me sesemone dabe tolasa asu, ena dali hwįagasainu ebao. Tiali goli, eno nageba hwįagasainu ebo te Tigidali Bomo Elalubo Genuai Bidi, te da Israel ami dabe tonalubo Godigo nogide, te eno nage dali hwįagasobao. Te God agaba nago hagoma elama, tama agabolo te dwai posobo po wali dao.

1 Samuel 17:45 Referans Kwoze

2 Korin 10:4

Tigidali wąbi hwįbo nai dabe dago tolalubo, te tǫde nai tiwai me elalubeo. Menio. Te Godigo bomo elalubao, te boi bidigo bomai obo alubo usu yaibao.

Tuni Bidi Dabego Po Elalubo Buku Si 32:8

Te Asiria king bidigo bomo te bidi dabede sali dao. Tiali goli dago bomo te Genuai Bidi dago Godidu te asali dao. Aga da dali bidiyu, tama agai da tau saibao, tama dago boi bidi dabe aiyaba elaluaibao,” wali. Te we bidigo kingo te po odama, tama te pogo augwaligo homu dąų walali.

2 Korin 3:5

Mu tama, dena digi te sę ebo usu egobeo, tama tiyu dena digi dago te magi sę me deli yaibao po me wagobeo. Menio. God deligo naga te dago sę emainogo ebo usu ilibo dao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Godigo Nogi Ugwaba Sabo Tęąbi Po Wabo Buku Dabe 124:8

Te dagalu dali, tǫ dali nigali Genuai Bidigo, aga digi te da tau sabo dao.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

1 Samuel 17:10

Tama Goliatgo po mu ma weyu, te tiwai po wali, “Odiąo, megi eno dage Israel ami dabe usu saibao. Dagego te ena dali hwįabo bidi me deli nigilao,” wali.

Godigo Nogi Ugwaba Sabo Tęąbi Po Wabo Buku Dabe 3:8

Genuai Bidi, nago deligo naga te da ma siyu, tama da me dolisiąbo da. Eno homugo nago te naga we bidi dabe wiegi yai bugagia bidimainu ilao.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Godigo Nogi Ugwaba Sabo Tęąbi Po Wabo Buku Dabe 44:6

Eno enesigi me ene elalubao, tiali goli eno homugo eno te hwįbode te nai dabego ena tau sabo homu me ebeo. Eno te bobobage bainat hwą elalubao, tiali goli tego me ena te hwįbode tau me sogobeo.

Aisaia 37:28

Tialima, eno nage bugagia mu koneanio. Eno nago homu kolesaga, me te eno nago ebo kolesaga te nage pabo bulu tigidali me konea pali. Tama nago enade genuai haliga sębę elalubo me, te eno koneai dao.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

1 Samuel 17:6

Tama aga sągą te bras dagego haluai. Tama agai te brasgo nigai sesemone te aga nagede tolasa bilali.

Tuni Bidi Dabego Po Elalubo Buku Si 14:10

Augwali polo sabolagasai madi, king Asa aga ami bidi dabe dali hogodama, augwali hwįainu pali. Te Juda dabe augwali te taun Maresa pąba saboligi pali, tama augwaligo te Serago ami bidi dabe augwaligo te odogo malu bulu te augwali nogi Sefata wabo bulude suali. Tama te ami bidi hani si tama dolaluyu boi hwįabo kegaluali.

Godigo Nogi Ugwaba Sabo Tęąbi Po Wabo Buku Dabe 20:8

Te we bidi dabe augwali tulaluama, tama mu hagawaibao. Tiali goli, da te hodalu, tama bomonama dolaluaibao.