1 Samuel 17:43 - Godigo dwagi yai po buku

⁴³ Tama tiyu, aga dolagaselama, tama Devitbolo te po wali, “Magi baso nago te bilibo dono sela asaliwe? Nago homugo ena te yowi da weyu, elainu asali, agawe?” Tialima, agai te aga tibo god dabe i olama, te Devit dolomainu yali.

1 Samuel 17:43 Referans Kwoze

2 Samuel 9:8

Tama Mefibosetgo gesabidi te tǫba ma pogulama, te po wai, “King, magi baso nago te tiwai wiegi yai kolesaga enabolo yainogo obawe? Ena te olo nai tobage naga, te isali yowi me deli te tiwai dao,” wali.

2 Samuel 3:8

Apnergo te po odama, tama haliga sębę dwai mu elama, tama te po wali, “Nago homugo ena te naga yowi da weyu, wali da, agawe? Tama nago homugo eno te Juda dabe tau sabo sę eba homu eyu wabo, agawe? Menio. Kone palao. Te nago aya, Sol, te king pedelali sogo dąį elama, te megi e sogoba usu niyu, te ena aga wali bilali, tama te aga ama dabe me, abagi dali me, te megi tama me wali bilibao. Tama me, te eno nage te Devitgo selama dolomainu ilibeo. Tiali goli, megi nago te we me deli po enaba kisilibao. Te olo nai naga tiwai dao.

1 Samuel 24:14

Da Israelgo king, nago ena pobeasa biliba, agawe? Tiali goli, ena de dawe? Ena te isai yowi tiwai yai. Ena te nǫ me deli tiwai naga dao.

Bugagia Bidibo Kolesagade Po Asęai Buku 26:2

Te bidigo dwai sę isąbadi, tiali goli te bidi dabego po weyu, te i ola mabo po obaso da, teda te po dolo mu me pedalugobeo. Te po te ba meba sesemane bola pidu geyu, te gasaba me duagi pisąbo tiwai ebo dao.

Te Israel me Juda Hani Sigo Tuni Bidigo Po Elalubo Buku Si 8:13

Hasaelgo te po odobo si, tama te Elisago po wei ponoyu, e tama wali, “Ena olo bidi dao. Tama te genuai sęgę yai sę eno ma mena tama usu nama yaibawe?” wali. Awe, tama Elisago agabolo e tama po wai, “Genuai Bidigo enabolo e tama ola mawai dao, nage Siria hani tonaluabo king bidi nigaibao,” wali.

2 Samuel 16:9

Tama Abisai, te Seruiago ogwago, te Devitba te tama po wali, “King, magi baso te dwai yowigo nageba te dwai po wali gogola tagalaliwe? Te eno aga dogoni togomainu ilao,” wali.

Tigidali Nai Gagalama Nigali Side 27:29

Te tigidali bulude bidi dabe te augwali nagede sę ebo bidi pedelama, tama te bidi dabe nage dologode bidaibao. Te nago te naga ama dabe tonaluaibao. Tama nago idago hani wąį dabe augwali te nage dologode bidaibao. Te Godibolo nage dolomainu i wabo bidi dabe, te augwa digi deli deli augwa ma dolomainu yaibao. Tiali goli, te bidi dabego Godiba i olama, te agai nage dali dwagi yai tau sabo sę emainu i wabo bidi dabe, augwali deli deli dali me te agai dwagi yai sę yaibao, te eno homugo te tama elalumainao,” Aisakgo te po wai.

Israel Hanigo Namba 22:6

Augwali hauwa mu dao, tama dago augwali aiyaba elaluabo usu menio. Tama tialima, eno homugo nago te god dabe nogi olama, tama te god dabego augwali dolomainao. Tiali tama nago tama tiyu da, teda dago homugo dago augwali dali bomona hwįnama, tama augwali dago tǫde sela sąwaibao. Eno koneani, nago te god dabebolo te we bidi bugagia bida wali te godigo tama tibo dao. Tama ma, nago te we bidi dolao wali da, teda te god dabego augwali tama dolobo dao,” Balakgo te po Balamba ola tolali.

Te Israel Tobolu Bidi Dabe 9:27

Tialima, augwali te augwaligo wain giba pelama, tama te tau yali wain du dabe tigidali salio. Tama augwaligo te wain du pęgęlama, tama aga ąį te selama, tama augwaligo genuai nai daa tuali. Tama augwali te augwa tibo godiba lotu wabo be tempel tomoba pelama, tama augwa te nai me wę me tubo sę eyu, tama te Abimelekde dwai posobo po weyu yalio.

1 Samuel 14:12

Tama te Filistia ami bidi dabego te Jonatan dali aga hwįbo nai tolasa bilibo bidi dali augwali siba te tiwai i wali, “Ae! Dage si edaba holao,” wali. “Dago magi nai me deli dage siba ola mawaibao,” wali. Jonatango te po odama, tama agai te aga hwįbo nai tolasa bilibo bidibolo wali, “Nage ena wali asu, tama da pinao. Megi dago koneani, te Genuai Bidigo da Israel dabego augwali aiyaba elalumainu yaibao,” wali.

2 Samuel 16:5

Devitgo te Siba dali po miani silibo si da, teda Devit te aga hani dabe dali te Bahurim buluba pali. Augwali te pesageba sabalubo sogo, te Solgo hani bidi me deli te buluba dįą aselama, te Devit dali deli gesabidi ununani. Aga nogi te Simei, tama aga te Gerago ogwa da. Simeigo te wado po wabo sę eyu, tama dwai po Devitba weyu, tama asidualio.

Te Israel me Juda Hani Sigo Tuni Bidigo Po Elalubo Buku Deli 20:10

Tialima, Benhadatgo augwali ma tagala palama, te gasa po Ahapbolo wagasomainogo yali, “Megi da, eno ami bidi umabo mu seselama, nago te taun dolagasomainu yaibao. Augwaligo te tigidali doado bage dolama, te olo nai pobele bage tiwai mu pedelaibao. Eno te tiwai isąbaso da, teda ena te ena god dabego ela mumainu emainao,” te po ola tolali.

1 Samuel 24:15

Tama tibaso, te da si tomode te dego dwai sę yali te Genuai Bidigo digi dagalumainu yaibao. Agai ena tau siyu, te po dodoliyu, te nago ena me dologobeo. Tama eyu, agai da sibolo ola mawaibao, eno nagede dwai sę me deli me ebeo,” wali.