1 Samuel 17:40 - Godigo dwagi yai po buku

⁴⁰ Nosali aga te tolasa bilibo dono selama, tama te dwasianu wę me deli elalubo madi pelama, tama te dwasianu dudu du masigi a naga selama, tama aga dwasianu waba bulali. Tama agai te masigi sąyabo kibu wali tolasa peyu, tama pelama, te Goliat dali hwįgi palio.

1 Samuel 17:40 Referans Kwoze

Matyu 10:10

Tama dage bilibo sogo dagego te wa sabiligio, ma te holobo ugwa si me te sągą nadoba olo si me, te bilibo dono olo si me tolasa biligio. Menio. Te dagego tau sabo we bidi augwaligo dagebolo te tobage tigi tau sabo nai momainao.” wali.

Te Israel Tobolu Bidi Dabe 3:31

Te Ehut tudi badu te gasa tobolu bidi me pedelali, te aga nogi Samgar da, te Anatgo ogwa dao. Agai te bidi sese bidi hauwa elali, te e tama bidi, 600 te Filistia bidi dabe te dwasianu te kibu bulmakau tonalubo ene sesemonego te bidi dabe ela silali. Tama te Israel dabe tau siyu, agai tama tiai dao.

1 Samuel 17:39

Devitgo te Solgo bainat hwą te brasgo nigai te holobo ugwade walama, tama pabo usu sela suali. Tiali goli, te usu meni yani, magi baso meni, agai te tobage nai te aga tigide polobadu musiąwai. Tama tiyu, te Solbolo agai te po wali, “Eno nago e hwįbo doado bage munama tama hwįgi pogobeo. Eno te doado bage tigide musiąwai,” wali. Tama agai te tigidali peda sąwai.

1 Samuel 17:41

Tama Goliatgo Devit suali, tama aga asu, te agaba gesabidi deli ununama asali. Tama te Goliatgo hwįbo sabele tolasa bilibo bidi, aga te polasa asali. Tialima, Goliat asu, te Devit pąba aselama,