1 Samuel 17:29 - Godigo dwagi yai po buku

²⁹ Tama Devitgo aga amabolo te tiwai po wai, “Menio. Eno te nai me deli koneainogo, tama tiyu, eno te bidi dabeba hanalu wali. Te dwai da, agawe?” wali.

1 Samuel 17:29 Referans Kwoze

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

1 Korin 2:15

Tialima, te Tedali Mobo elalubo bidigo, agai te tigidali nai dagalama, tama te nai page konebo usu ebo dao. Tiali goli te bidi me deligo te Tedali Mobo elalubo bidi dagalainogo ebo te usu me egobeo.

Bugagia Bidibo Kolesagade Po Asęai Buku 15:1

Te bidigo nage dali haliga sębę ebaso da, teda agaba po wei dua digi ponao, tama aga haliga sębę yali isigulaibao. Tiali goli, nago pogo te gasa bidi doliyu, dwai po wabo sę eyu da, te agai nageba te dwai haliga sębę mu ebo sę ilibao.

1 Samuel 17:28

Eliap, te Devitgo ama gomunai bidigo, te agai te bidi dabe dali po mibo odai. Tama aga haliga sębę elama, tama Devitbolo te tiwai po wai, “Magi baso nage eba asai dawe? Tama dego nago te dwai sipsip dabe te buside tonalubawe? Eno koneani, nage te hagoma ebo bidi, tama nage te hagoma kolesaga ebo bidi da. Nage te hwįbo naga suainogo asali dao,” wali.

1 Samuel 17:30

Tialima, aga begelama, palima, tama gasa bidi dabeba hanalugi peyu, te mena sę kingo te Godigo amiba te posobo po wali Filistia bidi elibo bidibolo yabo po wai. Tama augwaligo agabolo te sę yabo po dabe walio.