1 Samuel 17:20 - Godigo dwagi yai po buku

²⁰ Tialima, te sogo nosali Devit te kigamu mu hogodama peyu, tama gasa bidibolo te sipsip dabe tonaluao po wali. Tama agai te nai dabe selama, te Jesigo agabolo wali gilama te bage bidalubo pesageba pali. Tama te Israel dabe te hwįbo pesageba pobadi, te aga augwali bidibo pesageba pedelali. Te ami dabego i weyu, genuai po dagą dali pelawali.

1 Samuel 17:20 Referans Kwoze

Dwagi Yai Gesi Po Lukgo Asęani 19:43

Nosali te dwai bidibadi te asaibao. Boi bidi dabe augwaligo e be nani bobegelaibao, dage wi pidali weyu. Augwaligo te be nani moni obode te tǫ hauwa diganama, te tǫ hobolu badu dagana saibao. Tigidali badu bobegelaibao.

1 Samuel 26:5

Augwali aselama, Devitba wagasobaso, tama Devit hogodama, te Sol bidagasobo pesageba pelama, tama te Sol me te polalubo ofisa bidi, Apner, te Nergo ogwa, augwali si pibo pesage te bugagia sula sali. Sol te pesage nigali tomode pibadi, tama aga ami dabego aga bagulama piai.

1 Samuel 26:7

Tialima, te sogo hulide Devit dali Abisai si te Solgo bidibo pesage tomoba pai. Tama augwali sigo suali, aga te pesage tomode pila muyu, tama aga sesemone ene te aga tobolu pąde te tǫba tulama elaluali. Tama Apner dali te ami bidi dabe daligo aga bagua selama, piai elaluali.

1 Samuel 17:28

Eliap, te Devitgo ama gomunai bidigo, te agai te bidi dabe dali po mibo odai. Tama aga haliga sębę elama, tama Devitbolo te tiwai po wai, “Magi baso nage eba asai dawe? Tama dego nago te dwai sipsip dabe te buside tonalubawe? Eno koneani, nage te hagoma ebo bidi, tama nage te hagoma kolesaga ebo bidi da. Nage te hwįbo naga suainogo asali dao,” wali.

1 Samuel 17:19

Te king Sol dali, naga ama dede me, te gasa ami bidi dabe dali, te Filistia dabe dali te Ela odogo bulude hwįbo sę ebao,” Jesigo Devitbolo te po wai.

1 Samuel 17:21

Tama te Filistia ami me, te Israel ami me, te nani u badu me e badu me wasilama, tama augwa hwįainu sisi elaluali.

Josua 3:1

Tama Josua te kigamu digi mu hodaluama, tama aga dali te Israel dabe augwali te bidali pesage te Sitim tagalama, tama augwali te Jordan ąįba sabolai. Tama augwali bidabo pesage tede nigai. Augwaligo te wę Jordan nogobeo.

1 Samuel 15:12

Te kigamu mu Samuel hogodasa peyu, te Sol gegegi pali. Tiali goli, augwaligo agabolo weyu, Sol aga te taun Karmelba pelama, te aga hwįanide te genuai nogi tede sali te sa muyu, te masigi me deli dodoligi pali po wai. Aga te masigi dodolugulama, teda aga te Gilgalba pai.