1 Samuel 17:12 - Godigo dwagi yai po buku

¹² Te Devitgo hani sibi te tiwai dao. Devit te Jesigo ogwa dao. Tama Jesi te Efrata bulu bidi, tama te Betlehem bulu te Juda hanigo tǫde bidai. Jesigo ogwa te a naga olama, meba sela elalubo sogo te Sol king pedelali, Jesi te monu dabe yai mu bidai.

1 Samuel 17:12 Referans Kwoze

Tigidali Nai Gagalama Nigali Side 35:19

Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.

1 Samuel 16:18

Tama sę bidi me deligo Solbolo te po wali, “Eno te Betlehem bidi Jesigo ogwa me deli suai dao. Te gesi ogwa bidigo agai te musik elibo mu koneai. Tama aga te wiegi yai hwįbo bomai bidi da. Tama aga te wiegi yai po weyu, tama tonobo sawi yai bidi mu. Tama Genuai Bidi me aga dali bidibo dao,” wali.

1 Samuel 17:58

Tama Solgo agaba hanalu wali, “Te ogwa bidio, nage te dego ogwa dawe?” Tama Devitgo agabolo te po wali, “King o, ena te Jesigo ogwa da, te Betlehem bidi me deli dao, aga te nago dologode bidibo bidi dao,” Devitgo te po wai.

Matyu 2:6

‘Te Betlehem hanu, te Juda tǫ tomode, te Juda bagego tuni bidi dabego gedude nago nogi te dwasianunu elalugobeo. Te mu menio. Te nagede genuai tuni bidi me deli pedelaibao, tama agai eno hani Israel tonaluabo bidi dao,’ te po asęani,” augwaligo te po Herotbolo wai.

Matyu 1:6

Tama Obetgo ogwa Jesi. Tama Jesi aga ogwa te tuni bidi Devit dao. Tama Devitgo ogwa Solomon, te Solomon aga ida te polobadu te bidi Uriago we dao.

1 Samuel 16:1

Nosali Genuai Bidigo Samuelbolo te tiwai po wali, “Nago sesemane sogo te Solde haliga sęgę elaluai. Nisu sogo nago te haliga sęgę elalubo silaibawe? Eno aga sela sąwanio, tama eno gedude aga te Israel king munu ma bidibeo. Tialima, eno homugo megi nago te sipsip gąų me deli selama, tama tede te king bidi sa muabo oliv wel tabilao, tama nage pelama, Jesi sugi pao, te Betlehem bidi me deli, magi baso meni, eno te agai ogwa dabede te ogwa me deli te king pedalumainu nigilai dao,” wali.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Maika 5:2

Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

Godigo Nogi Ugwaba Sabo Tęąbi Po Wabo Buku Dabe 132:6

Te Betlehemde dago te Genuai Bidigo Dąų Wali Bomai Po Munalubo Halobage po odali. Tama dago te Kiriat Jearim tǫde elalubo gegelama suai.

1 Samuel 17:11

Sol me aga ami dabe daligo te po odama, tama augwali wi dwai mu yai.

Rutgo Po Elalubo Buku 1:2

Te bidi aga nogi Elimelek, tama aga we nogi Naomi. Aga ogwa si nogi e dao, Malon me Kilion. Augwali te Efrata hani, tama te hanigo bulu te Betlehem, te genuai tǫ hani Juda. Tama augwali pelama, te Moap tǫ pedaiba bidigi palio.

Rutgo Po Elalubo Buku 4:17

Tama te bulude bidali we dabego te po wai, “Rutgo wai ogwa ame nani, te Naomibolo mawai.” Tama augwaligo wai nogi mani, tama aga nogi Obet poai. Tama nosali Obet te Jesigo aya pedelali, tama Jesi te Devitgo aya, te aga Israel bagego genuai tuni bidi dao.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.

2 Samuel 23:1

Te e da te Devitgo po silagasu pusali po. “Ena Devit, te Jesigo ogwa, eno te tama po wai. Te Jekopgo Godigo ena te king nigilama, te ena bidibao, tama agai enabolo te we bidi gedude genuai nogi mawai. Tama eno te Israel dabego wabo wiegi yai balia hauwa asęani. Eno te tama po obao.”