1 Samuel 17:10 - Godigo dwagi yai po buku

¹⁰ Tama Goliatgo po mu ma weyu, te tiwai po wali, “Odiąo, megi eno dage Israel ami dabe usu saibao. Dagego te ena dali hwįabo bidi me deli nigilao,” wali.

1 Samuel 17:10 Referans Kwoze

1 Samuel 17:45

Tama Devitgo po wei ponoyu, te po wai, “Nago te bainat me sesemone dabe tolasa asu, ena dali hwįagasainu ebao. Tiali goli, eno nageba hwįagasainu ebo te Tigidali Bomo Elalubo Genuai Bidi, te da Israel ami dabe tonalubo Godigo nogide, te eno nage dali hwįagasobao. Te God agaba nago hagoma elama, tama agabolo te dwai posobo po wali dao.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.

Nehemia 2:19

Tiali goli, Senbalat, me Tobia, me Gesem, te Arap hani bidi me deli, te bagego dago te sę yabo po odali. Tama tibaso, te augwali aselama, tama dabolo te posobo po weyu, te gisugu mayu yalio. Augwaligo te tiwai po wai, “Dagego magi yainu ebawe? Dagego te taun obo ma nigainu eba, agawe? Dagego homugo te dagego tama tiwai elama, tama dage te bomai bage pedelama, tama dagego te king dali hwįaiba weyu teba, agawe?”

2 Samuel 21:21

Te bidigo te dwai posobo po Israel dabeba wali, tama te Jonatan, te Samago ogwa, te Devitgo amago, te aga ela muai.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Jeremaia 9:23

Genuai Bidigo te tama po wali, “Te po page koneai bidigo aga koneani kolesaga wiegi yai homu pemene igio. Tama bomai bidigo aga bomode homu pemene igio. Te mone bidigo aga monede wiegi yai homu pemene egio. Menio.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

2 Samuel 23:9

Eleasar, te Dodogo ogwa, aga te sela wali genuai nogi elaluali ami bidi dabede te si wali polalubo bidi me deli dao. Aga te Ahohi hani bidi dao. Me sogo deli Eleasar te Devit dali bidai, tama te Israel dabego te Filistia dabe te hwįabo madiba sisinibo suali. Tama te Israel dabego te Filistia dabeba te hwįainu diana sali, tiali goli te Filistia dabe asobaso, te Israel ibaba habu bulu kilasa pai.

1 Samuel 17:11

Sol me aga ami dabe daligo te po odama, tama augwali wi dwai mu yai.

Te Israel me Juda Hani Sigo Tuni Bidigo Po Elalubo Buku Si 19:4

‘Asiria king bidigo aga sę ebo gavman ofisa bidi tagala palali bidigo aselama, dago God dolo agai dwai po mu wagasalio, dena Genuai Bidi dao, aga te tigidali sogo bidada peyu, bidada pabo God dao. Tialima, te aga dolo te dwai po wali aga odali bogo, tama aga digi te po wali bidibolo wei ponoyu, sęgę mawaibao,’ wali. ‘Tama teyu, dago homugo nago te God dolo gedu haluasa po wao, tama agai da dwasianu hani bidibo tau somainao,’ kingo te po wali,” augwaligo te po wai.