1 Samuel 17:1 - Godigo dwagi yai po buku

¹ Nosali te Filistia ami dabe te Sokoba sisinagasali, te Juda dabego taun me deli dao. Tama augwali osogo bidabo pesage te Efesdamimde nigali, te Soko taun de Aseka taun si tomode, tama augwaligo te Israel dabe dali hwįainu sisi elaluali.

1 Samuel 17:1 Referans Kwoze

Josua 15:35

Jarmut, Adulam, Soko, Aseka,

Tuni Bidi Dabego Po Elalubo Buku Si 28:18

Tama me te Filistia bidi hani aselama, giliga dega sabo badu me saut badu elalubo dwasianu Juda bulu dude taun dabeba boi hwįagasali. Augwaligo Juda dabe aiyaba elaluama, taun Betsemes sobadi, me taun Aijalon sobadi, me taun Gederot sobadi yali. Tama me augwaligo taun Soko sobadi, me Timna, me Gimso, me te taun dabe pąde elalua pali dwasianu be nani dabe me sali. Te Filistia dabe augwaligo te taun dabe polo sali. Tialima augwaligo te taun dabe augwa taun dabe gagalali.

Tuni Bidi Dabego Po Elalubo Buku Deli 11:13

Me sogo deli aga Devit dali te bulu Pasdamimde bidali, tama te Filistia dabego boi hwįainu sisinani. Te Filistia dabe asobo si da, te Israel dabe wi palio. Te pedai badu te bali gi me deli elaluali,

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

Te Israel Tobolu Bidi Dabe 3:3

Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.

Jeremaia 34:7

Te sogo te Babilon kingo ami bidi dabego te Jerusalemba hwįagasobo sę elama, te taun Lakis me Aseka taun side hwįani. Te boi bidi dabego te tǫ kantri Judade te tigidali gasa taun te bomai obo elaluali te salio, tama te taun sela naga elaluai dao, te Jerusalem, me Lakis, me Aseka, te taun dabe.

Tuni Bidi Dabego Po Elalubo Buku Si 11:7

me Betsur, me Soko, me Adulam,

1 Samuel 14:52

Te Sol king bidali sogo, agai ami bidi dabego te Filistia dabe dali hwįbo bomo mu yali. Tama agai te hwįbode wi isiąwai bomai bidi dabe te olo bidibo subo si da, teda agai augwali selama, tama augwali te aga ami bidi dabe pedalumainu sai dao.

1 Samuel 14:46

Tialima, te sogo nosali, Solgo te Filistia dabe ma pobeasa me pabeo. Tama te Filistia dabe te augwa tǫ pedaiba ma geasa pai.

1 Samuel 7:7

Te Filistia dabego te Israel dabe te Mispa hanuba sisinani po odali. Tama te a naga king bidi dabego te augwa ami bidi dabe selama, tama te Mispa hanuba pelama, te Israel dabe dali boi hwįgi painu yali. Tama te Israel dabego te Filistia dabe asainu ebo po odama, tama augwali wi ebaso,