1 Samuel 16:3 - Godigo dwagi yai po buku

³ Tama nago Jesibolo hanalu, te ofa eboba asao olama, tama eno nagebolo te mena sę nago te Jesi dali yabo sę po waibao. Tama eno nagebolo te mena bidi nago te welgo te king nigilabo po waibao,” wali.

1 Samuel 16:3 Referans Kwoze

1 Samuel 9:16

“Do te tama tobage tebo sogo, te eno te Benjamin hani bidi me deli te nageba tagala palaibao,” wali. “Tama nago aga toboluba te wel geliyu, te aga te eno we bidi Israel dabego king bidi pedalumainu ilao. Eno suali, te Filistia dabego genuai sęgę me, dene me, te tigidali Israel dabeba mobaso, tama te Israel dabego enaba gela weyu, te eno augwali tau sao po wabo odali. Tama tibaso, te bidigo augwali tau siyu, tama te Filistia dabego bomode bidalubo te ma dobola somainu yaibao,” wali.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

2 Samuel 15:11

Te aga Hebronba pabo sogo, Apsalomgo te Jerusalem bidi dabe te bidi sese nogo si, 200 bidi dabeba hanalu, te aga dali pinao po wai. Tiali goli, te bidi dabego te Apsalomgo elalubo homu kolesaga page te mu konesiąwai. Augwa te aga wali odolali tama palio.

Ma Dobola Sali 4:15

Nago agabolo te po olama, tama agai te po tigidali pusumainao. Tama eno dage sigo pedauwali tau siyu, tama dage sigo eno po bugagia naga waibao. Tama magi sę dage sigo yainogo ebaso, te sę yao po eno waibao.

Te Israel me Juda Hani Sigo Tuni Bidigo Po Elalubo Buku Deli 1:34

“Tama tede, te pris Sadok me profet Natan sigo te wel te Solomon toboluba gelao, te aga te Israel king pedalumainogo te tama tiao. Dagego te sę ela silibo si da, teda dagego te biugel bu weyu, tama te tiwai i waiąo, ‘Solomon da, te bobage sogo king bidaiba,’ po waiąo,” po wai.

Tuni Bidi Dabego Po Elalubo Buku Deli 11:3

Tama nosali te Israel tobolu bidi dabe tigidaligo te king Devit Hebronba sisinagaselama gesabi deliba yalio. Tama agai te Godigo gedude bomai po me deli dąų waliyu kontrak salio. Tama augwaligo aga toboluba te dąį ilibo wel gelama, te aga Israel king da olama dąį ilali, te Genuai Bidigo po te profet bidi Samuelgo pedauwalide wali tiwai gilama yai dao.