1 Samuel 16:21 - Godigo dwagi yai po buku

²¹ Tama Devit te Sol pageba sabolama, tama aga sę bidi pedelali. Tama Solgo te Devit godolo mu yali. Tama tiyu, agai Devitbolo te aga hwįbo sesemone sabilibo sę mawai dao.

1 Samuel 16:21 Referans Kwoze

Bugagia Bidibo Kolesagade Po Asęai Buku 22:29

Te bidigo wiegi yai sę ebaso da, teda aga te kingo sę bidi pedelaibao. Te tobage bidi te nogi meni yai bidigo sę bidi me pedalugobeo.

Tigidali Nai Gagalama Nigali Side 41:46

Josepgo kibu be te 30 kibu be elalubadi, tama aga te Isip tuni bidi Ferogo sę gagalama yali. Tama Josepgo te Fero taga peyu, aga te Isip tǫ pedai sesede usu nama bilali.

Godigo Nogi Ugwaba Sabo Tęąbi Po Wabo Buku Dabe 146:3

Te king dabego, me te tǫde bidi dabego nage me dobola sogobeo. Tama tiyu, nago homu te nosali isabo bage augwaliba me muidalio.

Godigo Nogi Ugwaba Sabo Tęąbi Po Wabo Buku Dabe 118:9

Te dago konealubo te Genuai Bidiba mubaso, te wiegi yai ebao, tama dago te konealubo homu te king dabeba, me te tobolu bidi dabeba muyu, me usugobe dao.

Godigo Nogi Ugwaba Sabo Tęąbi Po Wabo Buku Dabe 62:9

Te we bidi da, augwali e tiwai dao. Te olo we bidi dabe te pedauwalide olo mobo pedalubo tiwai te ebao. Tama te genuai namba elalubo bidi dabe augwali me, te olo nai tiwai naga yai. Te augwali dago dagalobaso da, teda augwali te sęgę mu elalusiąbo te dago me suaibao. Te augwaligo sęgę te pedauwalidu pedalubo mobogo sęgę dali usu egobeo.

Te Israel me Juda Hani Sigo Tuni Bidigo Po Elalubo Buku Deli 10:8

“Te nago bidi dabego te wiegi yai homu pemene ebadi bogo dao. Tama naga dali te bidalubo ofisa dabego, augwaligo me te wiegi yai homu pemene ebo homu ebao, magi baso meni, sesemane sogo augwaligo te nago koneani wiegi yai homu kolesagade po te augwaligo odobao.

Bomai Po 10:8

Polobadu augwali Sainai bulu dude bidibadi, Godigo te Livai hanigo te Dąų Wali Bomai Po Halobage tolomainogo sa muai dao. Te bidi dabe augwaligo te pris sę tuyu, me te we bidibolo augwaligo God augwali dali wiegi yai sę yaibao po weyu yai dao. Tama augwaligo te sę ela asidubadi, megiba tama usu nubao.

Bomai Po 1:38

Tiali goli, nago namba tu bidi Josua, te Nungo ogwa, deli naga teba paibao. Nago Josuago homu kolesaga dąų walao. Magi baso meni, agai te Israel dabe te buluba odasa pelama, te buluba bidigi paibao,’ wali.”

Te Israel Tobolu Bidi Dabe 9:54

Tama polo agai te aga hwįbo nai sabilibo gesi bidi i wali. Tialima, agai te po agabolo wali, “Te nago bainat hwą selama, ena elao,” wali. “Te bidi dabego te po weyu, te wego ena ela muani po wabo te eno homugo usugobeo,” wali. Tama tibaso, te gesi bidigo te hwą bainatgo aga enama, tama aga isali.

1 Samuel 16:22

Tama Solgo Jesiba po ola toliyu, te tiwai po wai, “Eno Devit godolo homu ebao. Tama tiyu, eno homugo nago aga te eno sę bidi bidimainu ilao,” wali.

1 Samuel 17:15

Tama me sogo side Devit pelama, te Solba sę igi peyu, tama me sogo side agai te Sol taga soyu, te Betlehemba ma solama, te aga ayago sipsip dabe tonalugi peyu yai dao.

1 Samuel 17:55

Devit pelama, te Goliatba hwįgi pabo Solgo sulama, tama agai te ami dabe augwa polalubo ofisa bidi, Apnerbolo te tiwai po hanalu wai, “Te ogwa te dego wai dawe?” Tama Apnergo agabolo wali, “King o, eno mu po nagebolo obao, eno konebeo,” wali.

1 Samuel 19:7

Solgo po ola silama da, teda aga palio, tama nosali Jonatango Devit i olama asali, tama agabolo te aga ayago wali po pusali. Nosali agai Devit selama, te Sol pageba pali, tama Devit aga te kingde polobadu yali sę tiwai ma yalio.