1 Samuel 16:18 - Godigo dwagi yai po buku

¹⁸ Tama sę bidi me deligo Solbolo te po wali, “Eno te Betlehem bidi Jesigo ogwa me deli suai dao. Te gesi ogwa bidigo agai te musik elibo mu koneai. Tama aga te wiegi yai hwįbo bomai bidi da. Tama aga te wiegi yai po weyu, tama tonobo sawi yai bidi mu. Tama Genuai Bidi me aga dali bidibo dao,” wali.

1 Samuel 16:18 Referans Kwoze

1 Samuel 3:19

Tama bidu, nosali Samuel genuai bidi pedelama, tama God Genuai Bidi aga dali bidai. Tama teyu, Samuelgo te magi nai me deli pedelaibao po obaso da, teda Genuai Bidigo te Samuelgo wali po gilama te sę pedalu yai.

Tigidali Nai Gagalama Nigali Side 39:23

Yawe te Josep dali bidiyu, tama aga tau sobaso, tama agai tigidali sę yali te dwagi yai naga pedelali. Tama te kalabus tonalubo bidigo te Josepgo tonalubo sęde te agai homu si me ebeo.

Tigidali Nai Gagalama Nigali Side 39:2

Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.

1 Samuel 10:7

Te sę dabe nageba pedalubo sogo da, teda nago koneaibao, te God nage dali bidu, te Godigo nageba mani sę ebo te nage tau saibao. Tama nosali, nago homugo te mena sę te we bidi tau sabo wiegi yai sę da homu ebaso da, teda nago te sę yagameo.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

2 Samuel 17:10

Tama nago te gasa ami bidi dabego te tama po odama, tama te wi dwai mu eyu, te augwa digi te hwįbo bomai bidi elalu, tama augwa te laion tiwai gilama te bomai bage dolalu, te tagala weyu godolo meni yani. Te Israel bage tigidaligo koneani, te nago aya te polalubo ami bidi mu, tama agai bidi dabego te bomonama mu hwįbo dao,” wali.

2 Samuel 17:8

Nago koneani, naga aya, Devit, te aga ami bidi dabe dali, augwali te hwįbo bomai bidi dabe dao. Augwali te haliga sębę dwai mu elama tama bidibao, te so hasa beago te aga wai dabe tigidali te bidigo wi sela paide te haliga sębę ebo tiwai elalubao. Te nago ayago te hwįbo kolesaga mu koneani, tama tibaso, aga te we bidi dali hulide piainu eyu, te usu me egobeo.

2 Samuel 14:20

Tiali goli, agai odolali me wabeo. Menio. Agai te Apsalomgo te sęgę silabo homu elama, tama po wali. Tiali goli, king, nago te wiegi yai homu kolesaga koneani hauwa elalubao, te Godigo mobo bidi ensel tiwai elalu, tama nago te tǫde pedalubo sę tigidali konebo dao,” wali.

1 Samuel 16:17

Tialima, Solgo aga sę bidi dabeba te tiwai po wai, “Te tama dao. Dage pelama, te musik bugagia elibo koneai bidi me deli gegegi pelama, tama aga enaba odasa asao,” wali.

1 Samuel 16:19

Solgo te po odama, tama agai te bidi dabe tagala palu, te tiwai po Jesibolo wagi pali, “Nago te ogwa Devit, te sipsip dabe tonalubo bidi, eno homu nago aga te ena pageba tagala palao homu ebao,” te po wagi pali.

1 Samuel 17:12

Te Devitgo hani sibi te tiwai dao. Devit te Jesigo ogwa dao. Tama Jesi te Efrata bulu bidi, tama te Betlehem bulu te Juda hanigo tǫde bidai. Jesigo ogwa te a naga olama, meba sela elalubo sogo te Sol king pedelali, Jesi te monu dabe yai mu bidai.

1 Samuel 16:12

Tialima, Jesigo te bidi me deli tagala palama, aga te ogwa sela asomainu yali. Jesigo te ogwa te gesi ogwa bidi, tama aga gesabidi te sawia pai mu elama, tama aga gedu te ula mu elama, tama aga tigi te wiegi yai mu yai. Tialima, Genuai Bidigo te tiwai po Samuelbolo wai, “Aga te bidi tama dao. Te king sa mubo wel selama, tama agaba muao,” wali.

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.