1 Samuel 16:12 - Godigo dwagi yai po buku

¹² Tialima, Jesigo te bidi me deli tagala palama, aga te ogwa sela asomainu yali. Jesigo te ogwa te gesi ogwa bidi, tama aga gesabidi te sawia pai mu elama, tama aga gedu te ula mu elama, tama aga tigi te wiegi yai mu yai. Tialima, Genuai Bidigo te tiwai po Samuelbolo wai, “Aga te bidi tama dao. Te king sa mubo wel selama, tama agaba muao,” wali.

1 Samuel 16:12 Referans Kwoze

Te We Bidi Dabego Jerusalem Hagede Gela Wali 4:7

Polobadu te Jerusalem dabego tobolu bidi dabe augwali bugagia bidiyu, augwaligo tigi wiegi yai mu elaluai dao. Augwali bomai bidi dabe mu dao, tama augwaligo tigiwali te wiegi yai homugo dąų wabo masigi tiwai ula elalubo ąǫ yai dao.

Solomon 5:10

Eno abagi wali bidi te aga bomai bidi mu da, te agai gesabidi gasa sawia pai mu da, tama te tǫde bidi nedabo usu isiąbo te hauwa tausen bidi mu aiyaba elaluai dao.

Godigo Sęba Tagala Palai Bidigo Po 7:20

Tama olama, te side Moses ame neyu, tama aga te sawi yai wai mu yai. Tama aga idago bede ame modubadi, polua sela silali.

Godigo Sęba Tagala Palai Bidigo Po 4:27

Tama te Devitgo polobadu wali po yaligia, augwaligo te sę tamadi yali. Te genuai bidi si, Herot dali, Pontias Pailat dali, e buluba sisinagasali, te gasa bidi hani me, te Israel we bidi me. Augwaligo Jisas dali hwįabo homu yali, te nago dwagi yai tedali sę bidi, te bidi nago polobadu sa muai bidi.

1 Samuel 17:42

tama agai Devit suali, te gesi bidi mu, tama aga gesabidi te wiegi yai mu yai, tama agai hwįabo usu meni yai. Tama tiyu, agai homugo Devit te olo nai naga homu yali.

1 Samuel 9:17

Tialima, te side nosali Samuelgo Sol suali, tama Genuai Bidigo agabolo te po wali, “Te dao, do eno nagebolo po wali bidi te tama dao. Agai te eno we bidi tigidali tonaluaibao,” wali.

Tigidali Nai Gagalama Nigali Side 39:6

Tialima, Potifargo te agai doado bage tigidali tonalumainu Josep te tonalubo bidi nigilali. Tama aga digi te magi nai me deli tede te agai homu me ebeo. Menio. Agai te aga tubo naide naga homu yali. Tialima, Josepgo tigi te wiegi yai mu elama, tama gasagi yai sawi yai bidi mu pedelali.

Hibru 11:23

Te Mosesgo aya de ida sigo konealubo po Godiba dąų olama agaba tią peyu bidai. Tama te Mosesgo idago aga te Isip bulude ame nenama, tama augwali sigo suali, aga sawi yai wai mu bidai. Tama tibaso, polua selade augwali sigo aga geme dualama bidai. Te Isip gavman tuni bidigo bomai po weyu, te po polobadu gana wai dao, “Te Israel dabego we dabego te wai ogwa dabe ame nobaso, augwali ela muao,” te po wai. Tiali goli augwali si te tuni bidigo bomai pode wi me ebeo. Tama tibaso polua selade augwali sigo aga geme dualama bidai.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Godigo Nogi Ugwaba Sabo Tęąbi Po Wabo Buku Dabe 2:2

Te augwaligo king dabe tigidaligo me te hwįabo sisi yali. Tama te tobolu bidi dabe sisinama, tama Godiba po dwai wali, tama agai te sa muani bidi te polalubo bidi, agaba me te dwai po wali.

Ma Dobola Sali 2:2

Tama nosali te we haliga elama, tama wai ogwa me deli ame nai. Tama te wego te wai bǫų dwagi yai wai yai baso, geme dualama, tama te wai dualama polua sela bidai.

1 Samuel 17:55

Devit pelama, te Goliatba hwįgi pabo Solgo sulama, tama agai te ami dabe augwa polalubo ofisa bidi, Apnerbolo te tiwai po hanalu wai, “Te ogwa te dego wai dawe?” Tama Apnergo agabolo wali, “King o, eno mu po nagebolo obao, eno konebeo,” wali.

2 Samuel 7:8

Tama God Genuai Bidigo te po Natanbolo ma weyu, tama po wali, “Te eno sę bidi, Devitbolo, te tiwai po wao,” wali. “‘Ena, Te Tigidali Bomo Elalubo Genuai Bidi, eno nage te sipsip tonalubo sę ebo bidi bidibadi selama, tama eno nage sa muyu, te eno hani bage bidi, te Israel dabego tobolu bidi pedalumainu yai dao.

2 Samuel 23:1

Te e da te Devitgo po silagasu pusali po. “Ena Devit, te Jesigo ogwa, eno te tama po wai. Te Jekopgo Godigo ena te king nigilama, te ena bidibao, tama agai enabolo te we bidi gedude genuai nogi mawai. Tama eno te Israel dabego wabo wiegi yai balia hauwa asęani. Eno te tama po obao.”

Te Israel me Juda Hani Sigo Tuni Bidigo Po Elalubo Buku Deli 1:34

“Tama tede, te pris Sadok me profet Natan sigo te wel te Solomon toboluba gelao, te aga te Israel king pedalumainogo te tama tiao. Dagego te sę ela silibo si da, teda dagego te biugel bu weyu, tama te tiwai i waiąo, ‘Solomon da, te bobage sogo king bidaiba,’ po waiąo,” po wai.

Godigo Nogi Ugwaba Sabo Tęąbi Po Wabo Buku Dabe 78:70

Godigo Devit sa muani, te aga sę bidi, tama aga selama, te genuai sipsip dabe tonalubo sę me, te sipsip wai dabe tonalubo sę emainu sa muai dao.

Sekaraia 4:14

Tialima agai te po wali, “Te da, te Genuai Bidigo bidi si tigidali tǫde genuai bidi si te tǫde agai sę emainu magi ilai bidi si tiwai dao, te augwali si tobolude wel gelama, magi ilai bidi si tiwai dao, te agai sę emainogo,” te ensel bidigo te po wali.

1 Samuel 16:18

Tama sę bidi me deligo Solbolo te po wali, “Eno te Betlehem bidi Jesigo ogwa me deli suai dao. Te gesi ogwa bidigo agai te musik elibo mu koneai. Tama aga te wiegi yai hwįbo bomai bidi da. Tama aga te wiegi yai po weyu, tama tonobo sawi yai bidi mu. Tama Genuai Bidi me aga dali bidibo dao,” wali.