1 Samuel 16:11 - Godigo dwagi yai po buku

¹¹ Tama Samuelgo Jesibolo te tiwai po wali, “Nago ogomani te tigidali tama naga dawe?” Tama Jesigo te po wali, “Menio. Te ogwa bidi ogwa me deli digi elalubao. Te augwa ama sabi bidi tama. Tiali goli, aga te sipsip dabe tonalubo sę ebao,” wali. Tialima, Samuelgo agabolo te po wali, “Tagalao. Te bidi me deli tagala palama, te aga odasa asao. Aga bolo asobo si da, te dago ofa yaibao,” wali.

1 Samuel 16:11 Referans Kwoze

2 Samuel 7:8

Tama God Genuai Bidigo te po Natanbolo ma weyu, tama po wali, “Te eno sę bidi, Devitbolo, te tiwai po wao,” wali. “‘Ena, Te Tigidali Bomo Elalubo Genuai Bidi, eno nage te sipsip tonalubo sę ebo bidi bidibadi selama, tama eno nage sa muyu, te eno hani bage bidi, te Israel dabego tobolu bidi pedalumainu yai dao.

Tuni Bidi Dabego Po Elalubo Buku Deli 17:7

Tama Genuai Bidigo po ma daganu Natanbolo tama po wali, “Nago te Devitbolo e po pusao, ‘Ena Tigidali Bomo Elalubo Genuai Bidigo, eno nage te kibu sipsip tonalubo bidi bidali sogo selama, tama eno nage te ena we bidi Israel dabego tobolu bidi pedalumainu sa muyu dąį ilai dao.

2 Samuel 13:3

Tiali goli, Amnon aga abagi me deli elaluali, aga nogi te Jonadap. Aga te Samago ogwa, te Devit aga ama, tama aga te gasagi yai tedali te haniani sunumi gegelama konea pabo homu kolesaga elaluali.

1 Samuel 17:28

Eliap, te Devitgo ama gomunai bidigo, te agai te bidi dabe dali po mibo odai. Tama aga haliga sębę elama, tama Devitbolo te tiwai po wai, “Magi baso nage eba asai dawe? Tama dego nago te dwai sipsip dabe te buside tonalubawe? Eno koneani, nage te hagoma ebo bidi, tama nage te hagoma kolesaga ebo bidi da. Nage te hwįbo naga suainogo asali dao,” wali.

1 Samuel 16:10

Tialima, Jesigo aga gasa ogomani me si me si te Samuelba odasa asali, tama Samuelgo agabolo te po wai, “Genuai Bidigo te bidi dabe augwalide me deli te sa me mubeo.”

Ma Dobola Sali 3:1

Tama nosali me sogo Moses agai te kibu sipsip dabe, me te meme dabe te aga wąį Jetro nai dabe tonaluai, te Jetro aga da te God dali te Midian bage tomode dolalubo pris bidi dao. Tama me sogo deli sogo Mosesgo te kibu sipsip me meme dabe odasa peyu, te wa pai bulu taga peyu, te tǫ pedai me nogi Horep, te bulu du Sainai tede elalubo, teba sabolali, te Godigo bulu du dao.