1 Samuel 15:7 - Godigo dwagi yai po buku

⁷ Tama Solgo hwįbo sę bomo mu ela pelama, tama te Amalek dabe aiyaba elaluali, te Havilago tǫde gagalasa pali, tama te tǫ wa pai bulu te Sur, te giliga pedalubo pedai badu, te Isip te badu usu nigi palio.

1 Samuel 15:7 Referans Kwoze

1 Samuel 14:48

Tama Solgo te ami bidi dabe haliga hodolama, hwįmainu elama, tama augwaligo hwįbo bomo mu elama, tama te Amalek dabe me aiyaba elaluali. Tama tibaso, te boi bidi dabe te Israel dabe dali hwįagasu munu me asobeo.

Tigidali Nai Gagalama Nigali Side 25:18

Te Ismaelgo hani wąį dabe augwali te tǫ pedai Havila me Sur te tomo agebele side bidaluali. Te bulu te Isip pąde te Asur teba pabo sunumi te giliga pedalubo pedai badu elaluai. Te Ismaelgo hani augwaligo te haniani hani dali boi bidi homu ebaso, tama augwali digibulu bidigi pai dao.

Tigidali Nai Gagalama Nigali Side 16:7

Hagar te bidi meni yai pedai badu te Sur pabo sunumidu pai. Aga te wę ulu tubo madi dulalubadi, te Yawego Ensel Mobo Bidi te agaba pedelali.

1 Samuel 27:8

Te sogo Devitgo aga hani bidi dabe dali te pelama, te Gesurba, me Girsi, me Amalek, te tama bageba hwįgi pali. Te hani bage te Israel dabego boi bidi dabe elaluai, tama augwali te Isip pąde, te tǫ wa pai bulu te saut pedai badu bidali. Tama augwali tede te kibu be bidi sese umabo mu bidai dao.

Ma Dobola Sali 15:22

Nosali Mosesgo Israel dabe augwali te mama tamu wę tagalama odasa pali, tama augwali te wa pai ni meni yai bulu Sur tedu pai. Tama augwali sela sogo te wa pai nai meni yai buludu pai, tama augwaligo wę me subeo.

Tigidali Nai Gagalama Nigali Side 2:11

Te hasia wę nogi augwaligo Pison nogi yali. Te wę agai te moni tǫ Havila bagulali.

Kolesaga Koneai Bidigo Pusali Po Elalubo Buku 8:13

“Te dwai kolesaga ebo bidi da, te aga bugagia me bidigobeo. Te aga pęwadage sogo naga te tǫde bidaibao, magi baso meni, aga te God dologoba pelama bidibeo.”

Jopgo Po Asęani Elalubo Buku 21:30

Mu tama. Augwaligo dagebolo e tama waibao. Te God sębę elama, tama dwai sę pedalumainogo elama, tama we bidi hani deli pesage badu dolainu da, teda agai te dwai kolesaga ebo we bidi dolobo menio. Menio. Augwali bugagia bidimainu sula tagalobo dao.

1 Samuel 30:1

Te Devit dali, aga ami bidi dabe dali, te sela sogo solama, tama augwali te augwa taunba sabolali, te Siklak taun, tama augwaligo te Siklak taun dolai sualio. Devit te Filistia ami dabe dali bidali sogo te Amalek dabe aselama, te saut badu bidali Juda we bidi dali hwįagasali. Tama augwaligo te Siklak dabe dali hwįnama, tama augwali aiyaba elaluama, tama te taun siyu, te taun siago ulali.

Tuni Bidi Dabego Po Elalubo Buku Deli 4:43

Polobadu te Amalek dwasianu hani te Israel dabede wi solama te badu bidigi soai. Tialima te Simeongo hanigo te Amalek hani tigidali ela munama, tama te Simeon hani te tǫba bidigi pali, te bidada pali te buku asęani bidi bidali sogoba usu nai dao.

Tuni Bidi Dabego Po Elalubo Buku Deli 1:23

me Ofir, me Havila, me Jobap dao.