1 Samuel 15:6 - Godigo dwagi yai po buku

⁶ Te Amalek dabe pąde bidali Ken hani bageba te Solgo te tiwai po ola tolali, “Dagego te Amalek dabe taga peyu, te duga gasa pedai badu bidigi pao,” wai. “Tiyu, dago dage te Amalek dabe dali elabuo. Eno te duga wąį nǫų dabego te wiegi yai kolesaga te da Israel dabeba eyu, te dago wąį nǫų dabe te Isip tǫ taga soyu asali sogo te wiegi yai kolesaga yali, te homu kone palama obao, tama tiyu, eno dage me eligobeo,” Solgo te po ola tolali. Tialima, te Ken dabego odama, tama augwa te Amalek dabe taga peyu palio.

1 Samuel 15:6 Referans Kwoze

Te Israel Tobolu Bidi Dabe 1:16

Te Mosesgo wąį monu te Kengo hani dao. Tialima, te ayago hani dali, te Judago hani dali, augwaligo te pam ni sili elalubo bulu taga peyu, tama augwali te Judago bulu te wa pai elalubo te Arat pedai te badu bidigi pali. Tama augwali te Amalek bidi dabe dali te bulude bidali.

Te Israel Tobolu Bidi Dabe 4:11

Tama Debora me te aga dali pali. Te sogo te Kengo hani te bidi me deli Heber, te agai ugwa be te Kedes hanu sesegede sęnama bididuai, te moni ni te Sananim bulu pąde dao. Polobadu Hebergo te Kengo gasa hani tede taga soai, te Hobap aga deli kaneme hani, te Moses aga wąįgo aya dao.

Ma Dobola Sali 18:19

Eno po megi odao. Eno wiegi yai tų me deli te nago sę yabo po nagebolo eno te po waibao. Nago te po odoyu da, te God nage dali bidaibao. Tama nage te we bidi augwaligo polalubo bidi te Godigo gedude te augwaligo hwįabo po weyu, wado po wabo dabe, te po nago agaba sela pabo bidi bidiyu da, teda usu yaibao.

1 Samuel 27:10

Tama Akisgo Devitba hanalu wali, “Megi da, nago mena badu hwįgi paliwe?” Tama Devitgo te Akisba tibo po ola mayu, agabolo te tiwai po weyu yali, “Eno te Juda dabeba hwįgi pai da,” weyu yali, ma “Eno te Kin dabeba hwįgi pali,” te po weyu yali. Te bidi dabe te Juda tǫ pedai te saut badu bidiba po wali.

Te Israel Tobolu Bidi Dabe 5:24

“Jael, te Hebergo we, te Kengo hanide, te wiegi yai homu pemene emainao. Te agai wiegi yai homu pemene ebogo te gasa te ugwa bede bidalubo we dabego ebo homu pemene te aiyaba elalumainao.

Kraisgo Geme Dualali Sę Pedelabo Po Jonbolo Ola Mani 18:14

Te masigi hauwa sabo bisnis sę ebo bidi dabe augwaligo te po waibao, “Te nai nago homu hodaloyu sabo homu yai, te nai tigidaligo nage tagalama pai dao. Tigidali dwagi dwagi yai tubo nai dabe te genuai mone naga elaluali, te nago wiegi wiegi yai tigidali au ebo doado bage dali, te nai tigidaligo nage taga palio. Tama te bidi dabe augwaligo te tobage nai dabe nagede munalubo ma sugobeo,” te bisnis sę ebo bagego te po waibao.

Polgo Si Wali Pas Timotiba Asęani - 2TI 1:16

Eno homugo te Genuai Bidi Godigo te bidi Onesiforus aga we wai puluba dali homu dene eyu tau sao. Te hauwa sogo Onesiforusgo eno homu dwagi yai bugagia ilai. Tama aga ena kalabus yalide hale me ebeo. Menio.

2 Korin 6:17

Tama Genuai Bidigo te aga we bidigo te dwai sę ebo bage tagalamainogo eyu po ma wai, “Tama tibaso, dagego augwali tagalama, tama gasa madi bidigi pao, tedali mu bidao. Tama dagego te augwaligo dwai sę yabo meda yai nai munu me tolamuo. Tama ena digi eno dage saibao.

Godigo Sęba Tagala Palai Bidigo Po 2:40

Te Pitago augwalibolo dwasianu po wabe, te po hauwa wai, te po bomona weyu, te po wai, “Duga digi duga ma tau siąo. Tibaso, dage dene sogobeo, te Jisas ela muai dwai bidi dabe nosali dene sainu ebo yaligia,” te po wai.

Bugagia Bidibo Kolesagade Po Asęai Buku 9:6

Te duga umuna sai kolesaga ebo tagalama, tama aselama, te bidabo ula sagasiąo. Dagego te wiegi yai homu kolesagago sunumi wali piąo,” augwaligo te po wabo dao.

Tuni Bidi Dabego Po Elalubo Buku Deli 2:55

Tama gasa hani dabe augwali te taun Jabesde bidaluali, tama augwali te polobadu yali sę ripot po ma asębo sę, me te gasa naide po asębo sę page konea pai bidi dabe. Te hani dabe augwa nogi e tama dao, te Tira dabe, me Simea dabe, me Suka dabe, te tama bage bidali. Te hani dabe augwali te Kingo hani dao. Te augwali bulali wąį nǫų da, te Hamat. Hamat aga te Rekap dabego wąį nǫų me dao.

Israel Hanigo Namba 16:34

Te augwali te dedageba tulaluali sogo, augwali hǫą dwai mu wali, tama te Israel we bidi te pąde bidali we bidi augwaligo te po wali, “Da wi polo pinao, tiyu da te tǫ peda peyu, da me te tǫ dedageba tola pelama, da me hagayabuo.” Tama tibaso, augwali wi polo pali.

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

1 Samuel 15:5

Nosali Solgo te aga ami dabe selama, te Amalek dabego taun pąba pelama, tama augwali te polobadu wę soai digi tama megi te wę sula sai madi, te pesage me delide te geme duala selama bidaluai.

1 Samuel 30:29

me Rakalba, me te Jeramel dabego taunba me, te taun bulu Kinba me,

Tigidali Nai Gagalama Nigali Side 15:19

Te augwaligo te Kin dabego me, te Kenis dabe me, te Katmon, te augwaligo tǫ sobadi,