1 Samuel 15:25 - Godigo dwagi yai po buku

²⁵ Tiali goli, megi eno homugo te nago eno dwai sę sela sąnama tagalu, tama ena dali aselama, tama eno te Genuai Bidiba lotu waibao,” wali.

1 Samuel 15:25 Referans Kwoze

Ma Dobola Sali 10:17

Tama dage sigo eno sęgę megi deli sogo digi ma sela sąyao. Tama dage sigo Godiba gedu haluasa po weyu, tama dagego Genuai Bidi agabolo hanaluyu, tama te dwai naigo ena dolainogo ebo te sela sąmainao.”

1 Samuel 15:26

Tiali goli, Samuelgo Solba te tiwai po wali, “Ena nage dali me pogobeo, magi baso meni, nago te Genuai Bidigo po tudiba muani, tama tiyu agai nage tudiba muyu, tama nage te king munu ma bidigobeo,” wai.

2 Samuel 12:20

Devitgo te po odolama, aga te be soiyame degedude pila muani hogodama, tama pelama, wę pagu pali. Tialima, aga tigi te denami ebo wel sandago au ilama, tama tobolu nisi yagago selama, tama gesi ugwa muani. Tama aga te Genuai Bidigo lotu beba pelama, tama Genuai Bidiba lotu po wali. Tama Devit te aga beba ma begasa asobo sogo, agai te aga nai ulubo bidi dabeba hanaluama, tama augwaligo te aga nai meba te pouba togolama, tama aga nai tuai dao.