1 Samuel 15:21 - Godigo dwagi yai po buku

²¹ Dago koneani, Genuai Bidigo aga da wali te kibu sa muna selama, tama agai dabolo weyu ela po wai. Tiali goli, te ami bidi dabego te wiegi wiegi yai kibu dabe naga te e Gilgalba odasa aselama, tama dago Genuai Bidi Godiba ofa eyu elaiba homu eyu odasa asai dao,” po wai.

1 Samuel 15:21 Referans Kwoze

1 Samuel 15:15

Tama Solgo tama po wei ponani, “Te eno ami bidi dabego te Amalek dabede salio. Augwaligo te sipsip me bulmakau dabe ela muyu silali, tiali goli augwaligo te wiegi wiegi yai te dago Genuai Bidi Godiba ofa yainu sai dao,” wali.

Tigidali Nai Gagalama Nigali Side 3:13

Tialima, Yawe Godigo webolo te tiwai hanalu wai, “Magi baso nago te sę yaliwe?” Tama wego te po wei ponani, “Hasamanigo ena tibo po ola mobaso, tama eno te nedu du tuali,” te po wai.

Tigidali Nai Gagalama Nigali Side 3:12

Tama bidigo po wei ponai, “Te nago enabolo mani we eno abagigo, agai te nedu du enabolo mobaso, tama eno tuai dao.”

Matyu 26:9

Tama te wiegi yai denami ebo nai wel te bidigo abelemainogo magi sogo da, tama dago genuai mone te naide selama, te magi nai meni yai bidi dabe augwalibolo magi dao.” Augwaligo te po wai.