1 Samuel 15:20 - Godigo dwagi yai po buku

²⁰ Tiali goli, Solgo Samuelba te tiwai po wei ponai, “Menio. Eno te Genuai Bidigo po wali palio. Tama ena pelama, te Amalek dabe dali hwįgi pali, te agai enabolo wali po gilama yali. Tama eno te Amalek we bidi tigidali elali. Tama eno te king Agak odasa asai dao.

1 Samuel 15:20 Referans Kwoze

1 Samuel 15:13

Tialima, Samuel pelama, te Sol sugi pobadi, tama Solgo agabolo te tiwai siade da po wali, “Samuel, te Genuai Bidigo wiegi yai sę bugagia nageba emainao. Eno te Genuai Bidigo po wali pai dao,” wali.

Polgo Po Pas Rom Dabeba Asęani 10:3

Te Godigo da we bidi doloba pai nogi pobo te kolesagade augwaligo konesiąbaso, tama augwa digi augwa kolesaga doloba pai pedalumainogo ebo sę yai. Tama tibaso, augwali te God dologode me bidisiąyu, tama agai augwali nogi doloba pai nogi omainogo me ebeo.

Dwagi Yai Gesi Po Lukgo Asęani 18:11

Tama te Farisi hani bidi doligulama, aga homu tomode te po wali, ‘O God, ena da te gasa bidi dabe tiwai meni baso, eno nagebolo nage usu dao obao. Gasa bage augwaligo doado bage pesa ebo dao. Augwaligo te gavmanigo bomo yai po sela sąbo dao. Augwaligo penani ebo dao. Ena da u takis sabo bidi tiwai meni baso, eno nagebolo nage usu dao obao.

Dwagi Yai Gesi Po Lukgo Asęani 10:29

Tiali goli, te Juda dabego bomo yai po ola mabo bidi aga hale idali weyu, Jisas agade doloba pai bidi dao homu emai hagede, agai Jisasbolo ma hanaluyu te po wali, “Eno abagi hasi da, te de dawe?” wali.

Matyu 19:20

Te gesi bidigo agabolo te po wai, “Te tigidali bomai po eno wali pela silai dao. Eno magi sę me deli yabo te habuge elalubowe?”

Jopgo Po Asęani Elalubo Buku 40:8

Nago po bomonama, e tama wali, nago tigidali kolesaga dolo dao, po wali. Tiali goli, nago ena magi baso po tų ela maniwe? Tama nago magi baso eno doloba pai kolesaga ebeo po waliwe?

Jopgo Po Asęani Elalubo Buku 35:2

“Jop, nago te po wali, ‘Eno kolesaga dwagi yai, ma Godigo kolesaga dolo menio,’ po wali. Nago homugo te po dolo te wali dawe?

Jopgo Po Asęani Elalubo Buku 34:5

“Jop agai e tama po wai dao. ‘Eno magi sę me dolobeo,’ po walio. ‘Tiali goli, Godigo doloba pai kolesaga enabolo ebeo,’ po wali.

Jopgo Po Asęani Elalubo Buku 33:9

nago dwai kolesaga me yai menio, po wali. Tama tibaso, nage Godigo gedude meda meni yai bidiba. Tama nago magi nai mede sę menio, po wali.

1 Samuel 15:8

Tama agai te Agak nogo pageabi yali, te Amalek dabe augwa king bidi da. Tama te Israel dabego te gasa tigidali Amalek dabe ela muani.

1 Samuel 15:3

Tama tiyu, nage te naga ami dabe dali pelama, tama te Amalek dabe dali hwįgi pelama, tama augwaligo doado bage tigidali dolama, tama tigidali bidi me, we me, ogwa me, wegi me, wai puluba me elibadi, tama tigidali bulmakau me, sipsip me, kamel me, donki me, te ela silao wali. Nago te deli munu me tagalamu dao,” Samuelgo Solbolo te po wai.

1 Samuel 28:18

Nago te Genuai Bidigo po sela sąwani. Polobadu Genuai Bidigo te Amalek dabe dali haliga sębę ebaso, tama nagebolo weyu, te Amalek tigidali dolao po walali, tiali goli nago agai po wali pabeo. Tama megi Genuai Bidigo te sę nageba ebao.